“Hi kontra l-liġi u dnub li wieħed jitlob iktar interess milli dak li l-liġi tobbliga.”
Kien dan il-messaġġ waqt l-omelija li saret mill-Arċisqof ta’ Malta, Charles J. Scicluna waqt quddiesa li saret dalgħodu mill-kappella tal-Madonna tal-Ħlas, Ħal Qormi.
“Jekk inti tislef lil xi fqir mill-poplu tiegħi, iġġib ruħek miegħu bħal wieħed li qed jgħix mill-użura,” qal l-Arċisqof ta’ Malta.
Hu kompla jgħid li hawn ħafna nies li huma vittma tal-użura minħabba li fost oħrajn għandhom in-negozju sejjer ħażin u oħrajn mhumiex ilaħqu minn xahar għal xahar.
L-Arċisqof ta’ Malta talab biex ma jwasslux lin-nies f’tarf ta’ preċepizzju hekk kif uħud qed jaslu li jtemmu ħajjithom għax ma jkunux kapaċi jħalsu d-dejn tal-użura.
Segwi l-quddiesa kollha u l-messaġġ tal-omelija tal-Arċisqof ta’ Malta fil-link t’hawn taħt:
