“Kif tista’ tħallsilhom lit-tobba u l-infermiera tal-ITU? Salvawli ħajti, 5 ijiem fuq ventilator, iżda issa qieghed fl-Infectious Disease Unit”.
Kien dan il-messaġġ b’saħħtu li twassal mit-tabib Frank Portelli f’isem persuna li kienet għal dawn l-aħħar jiem rikoverata fl-ITU, wara li dan ir-raġel ittestja pożittiv għall-Coronavirus.
“Iħossu mkisser, imma se jirkupra” kiteb Portelli fuq Facebook.
Sfortunatament, fl-aħħar 24 siegħa kellna vittma oħra tal-Covid-19, iżda stejjer bħal dawn joffru tama lil dawk kollha li preżentament qed jingħataw assistenza kontinwa fl-ITU minħabba li sfaw infettati bil-virus.
Bħalissa f’pajjiżna għandna kważi 2,000 każ attiv ta’ Coronavirus.
//= $special ?>