Tħabbret il-mewt tal-attriċi u preżentatriċi Margaret Agius, fl-età ta’ 67 sena wara battalja mal-marda qerrieda tal-kanċer.
Maragaret, li hija l-mara tal-kompożitur popolari, Maestro Ray Agius, nafuha għal bosta produzzjonijiet televiżivi u teatrali li ħadet sehem fihom – fejn kemm-il darba nislitilna tbissima jew demgħa bl-interpretazzjonijiet impekkabbli tagħha.
Hija kienet twieldet fl-Awstralja u ġiet tgħix f’Malta fl-età ta’ 7 snin fejn għal numru ta’ snin kienet ukoll edukatriċi.
Margaret kienet ukoll awtriċi fejn ippublikat żewġ kotba bl-isem ta’ “In Your Embrace” u “Il-Mitħna”.
Bosta kienu dawk li sellmu l-memorja ta’ Margaret Agius fuq il-midja soċjali fosthom l-attriċi u direttriċi Evelyn Saliba La Rosa li ddeskrivietha bħala mara kuraġġuża u b’qalb kbira.
Kif ukoll id-direttur Charles Stroud li ammira d-dedikazzjoni tagħha, li baqgħet tispikka sal-aħħar.
