Raġel, li l-identita’ tiegħu għadha mhux magħrufa, sofra ġrieħi serji wara waqgħa mill-għoli.
Il-Pulizija ġiet infurmata għall-ħabta ta’ nofsillejl u għaxra, li persuna waqgħet madwar sular u nofs fi Triq it-Trunċiera, f’San Pawl il-Baħar.
Minn investigazzjonijiet li saru rriżulta li r-raġel waqa’ minn fuq ċint u ġie f’sit ta’ kostruzzjoni.
Il-membri tal-Protezzjoni Ċivili ġew imsejħa fuq il-post sabiex jittella’ l-vittma u tim mediku ta l-ewwel assistenza. Hu ttieħed l-Isptar Mater Dei b’ambulanza u ġie ċċertifikat li qed isofri minn ġrieħi serji.
L-investigazzjonijiet tal-Pulizija tad-Distrett għadhom għaddejjin.