Erba’ rġiel ġew meħlusa minn akkużi li sawwtu raġel, li spiċċa b’ imnieħru imkisser. Huma ma nstabux ħatja minħabba raġunijiet ta’ evidenza insuffiċjenti wara li l-ebda xhieda ma aċċettaw li jixhdu dwar l-inċident.
L-aħwa Enzo Seychell ta’ 38 sena, Sean Seychell ta’ 33 sena u John Seychell ta’ 59 sena flimkien ma’ Clayton Muscat ta’ 34 sena -li kollha huma relatati ma’ xulxin- kienu akkużati li weġġgħu b’mod gravi lil Mark Anthony Zahra ta’ 30 sena, fi ġlieda li seħħet fit-28 ta’ Ġunju 2018 f’Ħal Għaxaq.
L-irġiel ġew akkużati wkoll li heddew lil Zahra u pparteċipaw f’din il-ġlieda Zahra ġie mixli wkoll b’reati relatati, fi proċeduri separati. Huwa nħeles, iżda l-vittma u xhieda oħra kienu għażlu li ma jixhdux fil-proċeduri u l-filmati tas-CCTV tal-inċident ma ġewx esebiti minħabba li l-persuna li kienet il-kameras għażlet ukoll li ma tixhedx.
Il-Maġistrat Simone Grech osservat li wara li rat l-ftit evidenza li kellha quddiemha, l-akkużi kontra l-akkużati ma ġewx ippruvati biżżejjed. “L-aħjar evidenza tad-dinamika ta ‘kif żviluppa l-argument, u kif allegatament ġew ikkawżati l-korrimenti fuq il-persuna indikata fl-akkużi, ma ġietx ippreżentata,” qalet.
L-irġiel, għalhekk, ġew illiberati. L-Avukat Ishmael Psaila deher għall-akkużat. L-Avukat Martha Mifsud dehret għal Zahra. L-Ispettur Roderick Attard mexxa l-Prosekuzzjoni.
//= $special ?>