Marsaxlokk……..3
Fgura Utd ………..1
Marsaxlokk: F. Tabone, C. Degabriele, P. Doffo (D. Cartella 86), J. P. Morales, C. Brincat, G. Barone (Z. Mifsud 75), P. Xuereb (J. P. Mifsud Triganza 75), B. Sciberras, J. Spiteri, R. Fenech (I. E. Paz 75), C. Juninho (D. Sammut 75)
Fgura Utd: B. Bartolo, J. Cassar, J. Stensen, J. R. Vella, J. Barbara, R. Zammit (J. P. Attard 75), N. O. Ojuola, D. Quintero S. Borg 75), T. Grech (C. Ciantar 75), S. Hili (G. Martin 61), G. Galea (S. Nanapere 61)
Referee: A. Jovanovic
Marsaxlokk kisbu l-ewwel rebħa tal-istaġun f’partita li ddominaw għal ħinijiet twal kontra avversarju li naqas milli jwettaq reazzjoni wara t-telfa ta’ 4 – 1 kontra Qrendi.
B’din ir-rebħa Marsaxlokk telgħu fil-ħdax il-post b’ħames punti daqs Qormi.
Immexxija minn Edgar Degabriele, Marsaxlokk fetħu fuq l-offensiva tant li wara 11 il-minuta fetħu l-iskor.
Minn corner kien JUNINHO CABRAL li għola bejn id-difensuri ta’ Fgura biex bir-ras għeleb lil Brandon Bartolo. Riżultat li biħ intemmet l-ewwel taqsima minkejja reazzjoni sterili minn Fgura.
L-andament matul it-tieni taqsima baqa’ l-istess b’Marsaxlokk jirduppjaw fis-70 minuta. Minn azzjoni mix-xellug kien mill-ġdid JUNINHO CABRAL li b’xutt bid-dawra għeleb lil Bartolo.
Żewġ minuti wara l-iskor sar 3 – 0 b’goal minn RUSSELL FENECH b’xutt fil-baxx minn barra l-kaxxa .
Bil-partita magħluqa kien biss fis-86 minuta li Fgura rnexxielhom inaqqsu l-iskor b’ GILBERT MARTIN jgħeleb lil Frederick Tabone.
