L-Avukat Charles Mercieca qal lill-Qorti li t-tim legali ta’ Yorgen Fenech jixtiequ jirreġistraw ilment Kostituzzjonali billi qed jikkontendu li nkiser id-dritt tal-klijent tagħhom għal smigħ ġust.
Dan wara deċiżjoni li ngħatat mill-Qorti tal-Maġistrati li d-difiża ma qablitx magħha. Meta wieġeb mistoqsija mill-Maġistrat Rachel Montebello, l-Avukat Mercieca qal li d-difiża mhux se tkun qed jitlob li jitwaqqfu l-proċeduri sakemm tiġi deċiża il-kwistjoni.
Il-Qorti ma tantx qagħdet fuq dan u sejjħet il-kumpilazzjoni bħala li ma kienet għajr xejn ħlief ħela taż ħin. Il-Prosekuzzjoni kienet mistennija ttella’ diversi xhieda iżda minħabba fatturi legali dwar il-każ dawn ma setgħux jixhdu.
Il-Maġistrat qalet li l-ewwel trid tiġi deċiża t-talba għall-Qorti Kostituzzjonali qabel ikompli l-każ u jinstemgħu aktar xhieda. Il-kwistjoni kienet dwar min ippreżenta rikors l-ewwel jekk hux id-difiża jew il-Prosekuzzjoni. Il-Maġistrat tagħat digriet li fih qalet li ma tistax tibbażah fuq il-ħin meta ġew preżentati l-atti, apparti l-fatt li dan mhuwiex indikat.
Il-Maġistrat Montebello ma taqbilx li għandha tara min preżenta r-rikors tiegħu l-ewwel biex tiddeċiedi min se jixhed l-ewwel. Kien hawn li l-Avukat Mercieca li talab lill-Qorti l-permess biex jirreferi l-kwistjoni għall-Prim Alwa tal-Qorti Ċivili fil-Ġurisdizzja tagħha bħala Qorti Kostituzzjonali.
Ingħad li l-proċeduri jiġu sospiżi sakemm l-Qorti Kostituzzjonali tieħu deċiżjoni fuq l-ilment tad-Difiża fuq smigħ xieraq. Charles Mercieca qal li din id-deċiżjoni tilledi d-drittijiet tal-imputat għal smigħ xieraq u għalhekk se ssir referenza Kostituzzjonali.
Il-Maġistrat fil-bidu staqsiet lill-avukat huwiex qed jgħid li l-Qorti qed tikser id-drittijiet fundamentali tal-klijent tiegħu. Qalet li hija ma tistax tħallih jiddetta r-rikors, u Mercieca insista li jagħmel l-argumenti tiegħu oralment.
Il-Maġistrat qalet li kienet qed tagħti ċans lid-Difiża sal-Ġimgħa, 13 ta’ Novembru, biex tippreżenta r-rikors tagħha. Iridu jiġu notifikati b’dan il-Kummissarju tal-Pulizija, l-Avukat Ġenerali u l-Avukjat Jason Azzopardi f’isem il-parte civile.
Mercieca oġġezzjona li l-Avukat Azzopardi jiġi infurmat, imma l-Maġistrat tgħidlu li hekk ordnat il-Qorti. Is-sottomissjonijiet bil-miktub iridu jippreżentawhom sat-Tlieta, 17 ta’ Novembru.
Mercieca qal li waħda mir-raġunijiet tad-Difiża għar-rinviju tat-3 ta’ Novembru kienet li l-evidenza ma tintilifx – u qal li qed jitolbu li tingħata ordni biex l-evidenza tiġi ppreżentata u ma tintmessx. Qal li huwa kien qed jagħmilha ċara li qed jirreferi għar-recordings.
L-Avukat Galea Farrugia mill-AĠ tenna li t-talba tad-Difiża hija frivola. u li iżda jaqbel li l-evidenza tiġi ppreservata kollha. Il-Prosekuzzjoni qalet li m’għandha l-ebda oġġezzjoni għat-talba li jiġu ppreservati l-provi ġaladarba huwa fi dmirha li tressaq il-provi kollha.
Id-Difiża talbet li l-Avukat Ġenerali jikkunsidra li l-provi elenkati mill-imputat fir-rikors jiġu mressqin fil-Qorti. L-Avukat Galea Farrugia qal li kien qed jiċċara li mhux l-AĠ jiddeċiedi fit-tali ġurnata min jitla’ jixhed, imma dan f’idejn il-Pulizija.
Sadanittant komplew il-battikbekki bejn id-difiża ta’ Yorgen Fenech u l-Avukat Ġenerali li mhumiex rari meta d-difiża qalet li kull ma jrid Yorgen Fenech huwa li jkollu smigħ xieraq.
L-Avukat Charles Mercieca qal li Yorgen Fenech jinsab imwaħħal, għax irid jippreżenta l-provi tiegħu issa iżda ma jistax jagħmel dan. Reġa semma wkoll it-tbagħbis tal-evidenza.
“Għaliex l-Avukat Ġenerali ma ppreżentax l-evidenza kollha wara sena? Għaliex qed jimblokka lill-akkużat milli jippreżenta l-evidenza tiegħu?” huwa staqsa.
Id-Deputat Avukat Ġenerali Philip Galea Farrugia ċaħad dan kollu u qal li issa xeba’ jisma’ l-istess akkużi minn naħa tad-difiża u talab lill-Avukat Mercieca biex jirtira dak li kien qal.
L-Avukat Jason Azzopardi ipprova jgħid tiegħu wkoll, imma l-Avukat Mercieca qal lill-Qorti li bħala parte civile dan ma jistax jidħol fuq dan il-punt. Hawn il-Maġistrat taqbel mal-avukat difensur – ‘l-avukati tal-parte civile m’għandhom l-ebda vuċi f’din il-kwistjoni proċedurali”, hija qalet.
L-Avukat Philip Galea Farrugia qal lill-Qorti li d-difiża ta’ Fenech qed tipprova ttella’ spettaklu għall-midja. Il-Maġistrat Montebello irrabjata qalet li imdejjaq li mhix se tħalli lilha nfisha tintuża bħala “springboard għall-midja”
Qalet li hija xebgħet tisma’ atti ġudizzjarji permezz tal-midja, aktar milli direttament. Hija qalet li ma tivvaluta atti ġudizzjarji li ssir taf bihom permezz tal-midja. “M’għandux ikun hemm aktar battibekki bejnietkom it-tnejn,” qalet liż-żewġ naħat waqt li bdiet tħabbat fuq il-bank biex tagħmel enfasi għal dak li kienet qed tgħid.
Dan ħareġ meta kompliet il-kumpilazzjoni ta’ Yorgen Fenech akkużat li kien il-moħħ wara l-qtil ta’ Daphne Caruana Galizia. Il-kumpilazzjoni li qed issir fl-awla 22 – taħt sigurtà stretta. Il-mara tal-akkużat tinsab preżenti wkoll. Preżenti wkoll ulied Daphne Caruana Galizia, kif ukoll ħutha.
Fil-bidu saru diversi punti legali fir-rigward li t-tim legali ta’ Fenech ippreżenta rikors urġenti nhar it-Tlieta. Minn naħa tiegħu L-Uffiċċju tal-Avukat Ġenerali ressaq it-tweġiba tiegħu għal dik l-applikazzjoni l-Erbgħa filgħou, iżda t-tweġiba għadha mhix fir-rekords tal-każ.
L-Avukat Charles Merceica irrimarka li fit-3 ta’ Novembru l-akkużat kien ippreżenta nota, li l-Imħallef Consuelo Scerri Herrera kienet astjeniet milli tieħu konjizzjoni tagħha.
Skond Mercieca, l-Avukat Ġenerali malajr għamel in-nota tiegħu. Huwa akkuża lill-A.Ġ. li bagħbas l-evidenza tal-akkużat. “Fenech kien qed jinnegozja xahar mil-libertà tiegħu bi skambju għal smigħ ġust,” huwa qal.
L-Avukat Charles Mercieca talab għar-reġistratur tal-Qrati kriminali biex jixhed dwar il-kwistjoni tal-proċedura. Il-Qorti laqgħet it-talba u ssospendiet s-seduta sakemm ir-reġistratur imur fl-awla biex jixhed.
Kif wasal ir-reġistratur tal-Qorti huwa ġie mistoqsi dwar l-applikazzjoni ppreżentata fit-3 ta ‘Novembru. Qal li ma kien hemm l-ebda ħin irreġistrat dwar il-preżentazzjoni tal-applikazzjoni fil-Qorti. Lanqas ma ġie rreġistrat il-ħin meta ġiet irreġistrata f’dan il-każ.
Charles Mercieca deher jitbissem meta x-xhud qal li l-Atti ġew ippreżentati fit-3 ta’ Novembru iżda, b’inċident, kienu ġew datati bħala li ġew ippreżentati fit-2 ta’ Novembru. L-atti, żewġ kaxxi b’10 volumi – tqassmu fis-sigrieta tal-kamra tal-maġistrat fit-3 ta; dan ix-xahar fis-1pm.
Mercieca staqsa lir-reġistratur tal-Qorti li l-firma tiegħu hija fuq id-dokument iżda x-xhud ma għarafx il-firma. Hija tgħid li dik il-prattika hija li l-ħin u d-data ssir l-wasla fis-sigrieta tal-Maġistrati u jiġu rreġistrati.
Wara li r-reġistratur niżlet minn fuq il-pedana tax-xhieda Mercieca spjega li rċieva l-imejl li tikkonferma d-digriet tal-Imħallef fit-3 ta’ Novembru għall-ħabta tas-12.40pm.
Galea Farrugia qal li japprezza għal darba dak li qal l-avukat tad-difiża. Fis-12.40pm, qal li kien hemm l-astensjoni, u fis-1.00pm kienet diġà fl-awla. Huwa impossibbli li huwa bagħbasu f’20 minuta.
Mercieca argumenta li ladarba l-Qorti Kriminali ħadet konjizzjoni tar-rikors, ma għamlet l-ebda differenza min kien l-Imħallef. Il-Maġistrat Montebello qalet li semgħet is-sottomissjonijiet miż-żewġ naħat u għandha tagħti digriet.
Qalet li tinnota li l-Qorti rċeviet ir-rekords fit-3 ta’ Novembru. Mhuwiex il-kompitu tal-Qorti li tinvestiga min ippreżenta t-talba u meta. Ma jidhirx li l-Avukat Ġenerali “kien jaf” bit-talba tal-akkużat meta bagħat ir-rekords lura lill-Qorti.
Il-Qorti qalet li ma tara l-ebda intenzjoni ulterjuri fl-azzjonijiet tal-Avukat Ġenerali. Fi ftit kliem – id-deċiżjoni tmur favur l-Aukat Ġenerali. Id-difiża ta’ Fenech mhux kuntent b’din id-deċiżjoni.
Mercieca qal lill-Qorti li jixtiequ jirreġistraw ilment Kostituzzjonali billi nkiser id-dritt tal-klijent tagħhom għal smigħ ġust. Meta wieġeb mistoqsija mill-Maġistrat Montebello, Mercieca qal li t-tim tad-difiża mhux se jkun qed jitlob li jitwaqqfu l-proċeduri sakemm tiġi deċiża dik il-kwistjoni.
Il-Maġistrat qaltlu, “Jekk jogħġbok għamel it-talba tiegħek permezz ta ‘nota bil-miktub. Kwalunkwe sottomissjoni ma tkunx inkluża fil-minuti tal-Qorti.
Yorgen Fenech, imprenditur ta’ 39 sena li qabel ġie arrestat kien jgħix f’Portomaso, f’San Ġiljan, qed jiġi mixli li organizza jew iffinanzja il-qtil tal-ġurnalista Daphne Caruana Galizia u li assoċja ruħu ma’ persuni biex iseħħ delitt fis-16 ta’ Ottubru tal-2017 u fil-ġranet, ġimgħat u snin ta’ qabel. Huwa qed iwieġeb mhux ħati tal-akkużi miġjuba kontrih.
Fenech huwa wieħed minn erba’ persuni akkużati b’rabta mal-qtil tal-ġurnalista. Vincent Muscat u l-aħwa Alfred u George Degiorgio huma akkużati li wettqu l-qtil.
Il-ħamest raġel, Melvin Theuma, ingħata l-maħfra Presidenzjali għar-rwol tiegħu fil-qtil, bi skambju għall-provi li jagħti fuq il-każ, li jimplika lil Yorgen Fenech.
Mill-provi ħarġu sa issa li l-akkużat kien qal lill-Pulizija li Keith Schembri, li serva bħala Chief of Staff fl-uffiċċju tal-eks Prim Ministru Joseph Muscat, kien wara l-qtil u ħallas €85,000 lill-intermedjarju Melvin Theuma għall-assasinju.
Theuma semma lil Schembri bħala ko-konspiratur f’nota miktuba bl-idejn li l-Pulizija sabu fil-proprjetà ta’ Fenech, iżda huwa wkoll identifika lil Yorgen Fenech bħala l-moħħ tal-qtil.
Għal Yorgen Fenech qegħdin jidhru l-Avukati Charles Mercieca, Marion Camilleri u Gianluca Caruana Curran, b’dan tal-aħħar ma jkunx preżenti minħabba li jinsab fuq kwarantina minħabba l-pandemija tal-COVID-19.
Il-Prosekuzzjoni qed titmexxa mill-Ispettur Keith Arnaud u Kurt Zahra li huma assistiti mill-Avukat Philip Galea Farrugia mill-uffiċċju tal-Avukat Ġenerali.
L-Avukati Jason Azzopardi u Therese Comodini Cachia, li mhux preżenti għax bħalissa wkoll tinsab kwarantina qegħdin jidhru għall-familja Caruana Galizia. Il-kumpilazzjoni se tkompli nhar it-Tlieta 17 ta’ Novembru fil-11.00am.
