Marokkin ta’ 36 ndarab gravi f’kumpless fi Triq Tul il-Kosta, n-Naxxar.
L-inċident seħħ wara nofsinhar, bil-Pulizija jirċievu talba għall-għajnuna għall-ħabta tal-4.30pm.
Jidher li r-raġel indarab meta ċeda fuqu ħajt bl-ilma u bil-ħamrija.
Ir-raġel ġie assistit mill-membri tal-Protezzjoni Ċivili fuq il-post u ttieħed l-Isptar Mater Dei permezz t’ambulanza fejn ġie ċċertifikat li għandu ġrieħi gravi.
L-investigazzjonijiet tal-pulizija għadhom għaddejjin
