Raġel ta’ 34 sena minn Bormla ġie mixli b’ħasil ta’ flus wara li l-pulizija qabduh b’ammont sostanzjali ta’ flus li ġejjin minn attivitajiet illegali. Ir-raġel ġie mixli b’ħasil ta’ flus quddiem il-Maġistrat Audrey Demicoli mid-Dipartiment tal-Investigazzjoni tal-Kriminalità Finanzjarja.
Ir-raġel wieġeb mhux ħati tal-akkużi. Il-Qorti laqgħet talba biex jiġu ffriżati l-assi tiegħu u ċaħdet il-libertà proviżorja. Huwa qed jinżamm taħt kustodja preventiva fil-Faċilità Korrettiva ta’ Kordin.
Il-Prosekuzzjoni tmexxiet mill-Ispetturi Robert Azzopardi u TonJoe Farrugia u l-avukat Andrea Zammit mill-uffiċċju tal-Avukat Ġenerali.
