Fl-aħħar ħin ġew evakwati n-nies kollha minn kumpless tax-xiri fi Triq il-Kbira San Ġużepp fil-Ħamrun.
Dan hekk kif kien hemm suspett ta’ ħruġ ta’ gass, maħsub minn xi refrigerator.
Membri tal-Pulizija u tal-Protezzjoni Ċivili ssejħu biex jikkontrollaw is-sitwazzjoni, fejn minnufih ġew evakwati n-nies kollha mill-binja.
Fuq il-post hemm ukoll tim mediku biex jassisti lil persuni iżda fortunatament jidher li ħadd ma kellu bżonn l-assistenza medika.
It-triq ingħalqet għat-traffiku għal xi ħin sakemm ġiet ikkontrollata s-sitwazzjoni.
Ritratti: James Aaron Ellul
