Il-President Iranjan Hassan Rouhani akkuża lil Iżrael li qed jaġixxu bħala merċenarji għall-Istati Uniti, u qed jakkuża lil dan il-pajjiż bil-qtil tax-xjentist nukleari prominenti Mohsen Fakhrizadeh.
Intant il-mexxej Iranjan tenna li se jwettaq tpattija għall-qtil ta’ Fakhrizadeh, li l-midja Iranjana qed tgħid li miet fi sptar wara li l-Ġimgħa sparawlu waqt li kien fil-karozza tiegħu viċin iċ-ċentru tal-kapitali Tehran.
Il-Ġimgħa infatti l-Ministru Iranjan għall-Affarijiet Barranin Mohammad Javad Zarif iddeskriva l-assassinju tax-xjenzat bħala att terroristiku u kodard min-nies li huma għedewwa tal-istat Iranjan.
