Raġel weġġa’ gravi wara li tilef il-kontroll tal-mutur li kien qed isuq f’Birżebbuġa.
Fi stqarrija l-Pulizija spjegat li l-inċident seħħ fit-7.45pm tal-bieraħ fi Triq Ħal Far. Kollox qed jindika li r-raġel tilef il-kontroll tal-mutur u waqa’.
Ir-raġel ta’ 38 sena residenti Ħal Balzan ingħata l-ewwel għajnuna fuq il-post. Hu mbagħad ittieħed l-Isptar Mater Dei permezz ta’ ambulanza.
Hu hemmhekk ġie ċċertifikat li ndarab gravi.
L-investigazzjonijiet tal-pulizija għadhom għaddejjin.
