“Kontinwità fil-veru sens tal-kelma. Dan huwa ndħil fil-kisba għall-verità”.
Hekk sostna l-Kap tal-Partit Nazzjonalista Bernard Grech fl-aħħar ħinijiet pubblikament b’reazzjoni għad-dikjarazzjoni li wettaq il-Prim Ministru Robert Abela meta mistoqsi mill-ġurnalisti fejn insista li l-inkjesta pubblika ngħatat żmien biżżejjed u li skontu tul il-ġimgħa d-dieħla għandha tasal fi tmiemha.
Il-Kap tal-Partit Nazzjonalista sostna li Abela reġa’ xeħet pressjoni fuq il-bord tal-inkjesta pubblika dwar l-assassinju ta’ Daphne Caruana Galizia. Bernard Grech staqsa għalfejn Robert Abela għandu ċertu għaġġla sabiex din l-inkjesta tintemm. Għaldaqstant Bernard Grech insista li l-fatti juru li jridu jfixklu dan il-proċess.
Huwa insista li l-eks Prim Ministru u Mexxej Laburista Joseph Muscat ikkritika lill-inkjesta u Robert Abela jridha tintemm malajr kemm jista’ jkun…”Kontinwità fil-veru sens tal-kelma”.
