Aktar minn 600 kilogramma droga għal valur li jlaħħaq id-€69 miljun.
Din hija l-akbar sejba droga li għamlet id-Dwana Maltija fl-istorja wara qabda li wettqet fil-Port Ħieles b’612Kg ta’ droga kokaina moħbija f’pallets li kienu qed iġorru żejt tat-tisjir.
Il-kunsinna li telqet mill-Ekwador, kompliet sejra lejn il-Kolumbja, sabiex sussegwentament ġiet interċettata mid-Dwana Maltija hekk kif il-bastiment kien fit-triq lejn il-Libja.
Is-sejba twettqet waqt li l-bastiment kien qed jiġi spezzjonat fejn instabu 510 pakkett.
Intant il-Kap tal-Partit Nazzjonalista Bernard Grech faħħar u rringrazzja l-ħidma tal-uffiċjali tad-Dwana li ddeskriviha parti minn sensiela ta’ suċċessi tul dawn l-aħħar xhur.
