Matteo Grima
Tarxien R………..1
Sliema W………..2
Tarxien R.: D.Fernandes, B.Muscat, E.Zarate, D.Falzon, V.Plut, J.Debono, V.Conceicao, E.Rosado, K.Gatt,M.Tabone, M.Gomez.
Sliema W.: J.Galea, A.Milessi, J.Mintoff, G.Da Silva Ribeiro, J.Cisotti, D.Pereira, E.Agius, O.Linton, J.Farrugia, A.Cunha, M.Beerman.
Imwissija: E.Zerate (T), J.Mintoff (S), M.Beerman (S), A.Milesi (S)
Skorjaw: V.Plut (T), J.Farrugia (2) (S)
Referee: Matthew De Gabriele
Plejer tal-partita: Jeanpaul Farrugia
Sliema Wanderes komplew fuq il-mixja pożittiva tagħhom meta fl-istejdjum Ċentinarju huma għelbu lil Tarxien Rainbows bl-iskor ta’ 2-1 grazzi għal-dopjetta’ ta’ Jeanpaul Farrugia. B’dan ir-riżultat huma jibqaw fl-ewwel post tal-klassifika.
Mal-10 minuta kellna l-ewwel azzjoni denja ta’ nota għal Sliema meta kross mil-isbaħ ta’ Agius sab lil Farrugia li minn pożizzjoni ideali tefa ftit barra bid-daqqa ta’ ras-tiegħu.
Tarxien irrispondew 3 minuti wara meta Plut ra d-daqqa ta’ ras tiegħu tiġi salvata faċilment minn Galea
Ma nofs l-ewwel taqsima rajna l-aktar azzjoni perikoluża għal Sliema sa dak il-ħin meta xutt mid-distanza ta’ Agius ġie salvat b’diffikulta minn Fernandes bil-ballun finalment jispiċċa f’saqajn Gilmar li jixħet fix-xibka bir-referee jikkallenċa l-gowl wara li l-istess Gilmar kien f’pożizzjoni rregolari ta’ off-side.
Il-Wanderers komplew jagħfsu u mal-34 minuta kross tajjeb ta’ Beerman sab lil Gilmar li b’daqqa ta’ ras reġa’ impenja lil Fernandes li wettaq save mill-isbaħ.
Minkejja l-isforzi tagħhom, Sliema baqgħu ma sabux ix-xibka fl-ewwel taqsima u saħansitra fl-aħħar sekondi tat-taqsima r-Rainbows marru fil-vantaġġ minn azzjoni ta free kick li ġie mogħti minn Debono li ħoloq konfużjoni fil-kaxxa, bil-ballun jispiċċa għand VITO PLUT li jitfa’ lil Ħal Tarxien fil-vantaġġ.
Sliema ma waqfux u kienu huma li ħolqu l-ewwel azzjoni fit-tieni taqsima meta l-free kick ta’ Gilmar għadda ftit għoli mil-lasti tar-Rainbows.
Fit-52 minuta tista’ tgħid li Sliema kisbu dak li kienu ilhom ifittxu meta mill-korner li kien mogħti minn Gilmar, il-ballun waqa’ għand JEANPAUL FARRUGIA li kiseb il-gowl tad-draw u l-10 gowl dan l-istaġun.
Ftit wara s-siegħa logħob, il-Wanderers marru fil vantaġġ grazzi għal darboħra għal gowl ta’ JEANPAUL FARRUGIA li bir-ras tefa’ fix-xibka wara kross ta’ Cisotti.
Fl-74 minuta, Galea kellu jwettaq save mill-isbaħ wara li Conceicao qabeż diversi plejers qabel ma fajjar xutt mid-distanza li kien destinat għal ġewwa. Fl-aħħar minuti tal-partita, Mintoff ħarab fuq il-faxxa laterali leminija, bil-kross tiegħu jsib lil Gilmar li x-xutt tiegħu jagħddi jħakkek mal-wieqfa.
