Luke Micallef
SANTA LUCIA…………………. 3
GUDJA UNITED……………….. 2
Sta Lucia: C. Farrugia, T. Tabone Desira, A. Prates Rodrigues, K. Correia, A. Magri Overend (M. Camilleri 70’), A. Da Silva Souva, K. Ante Rosero, V. Filho, J. Zerafa, R. Tachikawa, K. Xuereb
Gudja: G. Zammit, J. Farrugia (J. Brincat 46’), Y. Messias, A. Friggieri, T. Gusman, L. Cremona (T. Vella 74’), I. Benac, N. Micallef, J. Bolanos, D. Camilleri, P. Silva Mota
Imwissija: J. Bolanos 16’ (G), L. Cremona 59’ (G), J. Zerafa 77’ (S), M. Camilleri 79’ (S), N. Micallef 86’ (G), A. Friggieri 87’ (G), P. Silva Mota 90’ (G)
Tkeċċija: A. Friggieri 88’ (G)
Skorjaw: A. Da Silva Souza 7’, 26’ (S), T. Gusman 43’ (G), K. Ante Rosero 67’ (S), Y. Messias 84’ (G)
Referee: Emanuel Grech
Assistenti Referees: Luke Portelli, Darko Stankovic
In-Nazzjon Plejer tal-logħba: Alan Da Silva Souza (Sta Lucia)
BOV Plejer tal-logħba: Alan Da Silva Souza (Sta Lucia)
F’partita bil-logħob maqsum fuq iż-żewġ naħat, kien it-tim minn Santa Lucia li approfitta aktar mill-okkażjonijiet li ħoloq biex b’hekk għeleb lit-tim Gudjan bl-iskor ta’ 3-2.
Fl-ewwel azzjoni denja ta’ nota, it-tim minn Santa Lucia spiċċa minn fuq permezz ta’ gowl sabiħ ta’ ALAN DA SILVA SOUZA. Minn clearance ħażina ta’ Dale Camilleri, Da Silva Souza approfitta u b’xutt minn tarf il-kaxxa għeleb lil Glenn Zammit. Fis-26 minuta, Santa Lucia għamluhom tnejn. Minn clearance ħażina oħra, din id-darba tal-gowler Glenn Zammit, approfitta l-istess ALAN DA SILVA SOUZA li sab lil Zammit barra minn postu u rnexxielu jqabbiżlu l-ballun għat-tieni gowl personali. Żewġ minuti minn tmiem l-ewwel taqsima, il-Gudjani daħlu fil-partita. Kien propju TENSIOR GUSMAN li b’xutt dirett bid-dawra minn ġol-kaxxa wara li rċieva minn korner, għeleb lil Christopher Farrugia, biex b’hekk il-Gudjani ħadu ftit tan-nifs.
It-tim immexxi minn Jesmond Zammit ħareġ aktar aggressiv fit-tieni taqsima, b’diversi tentattivi sabiex jiskurjaw. Pero’ kontra x-xejra tal-logħba kien it-tim minn Santa Lucia li kabbar id-distakk. Jamie Zerafa għadda lil KEVIN ANTE ROSERO li minn pożizzjoni ideali spara fix-xibka għat-tielet gowl Luċjan. Fl-84 minuta, b’xutt angolat minn tarf il-kaxxa fir-rokna tax-xibka, YURI MESSIAS għeleb lill-gowler Farrugia. Ħafna daħliet aggressivi lejn tmiem il-partita wasslu għal diversi ammonizzjonijiet u t-tkeċċija ta’ Aidan Jake Friggieri fit-88 minuta.
B’din ir-rebħa issa Santa Lucia għaddew lill-istess Gudja f’nofs il-klassifika. It-tim immexxi minn Oliver Spiteri issa jinsab waħdu fis-sitt pożizzjoni b’21 punt, filwaqt li l-Gudjani b’punt inqas qed jaqsmu s-seba’ pożizzjoni ma’ Valletta.
