Riżultat mill-aktar pożittiv għal ġinnasta ta’ 14 il-sena , Tara Vella Clark li fit-33 Edizzjoni tal-Kampjonati tal-Ewropa tal-Ġinnastika Artistika temmet fit-tmien post fil-finali tal-beam.
F’Mersin fit-Turkija, fir-rawnd ta’ kwalifikazzjoni, Tara Vella Clark saret l-ewwel ġinnasta Maltija li għaddiet għal finali f’kompetizzjoni interkontinentali u ta’ livell bħalma huma l-Kampjonati tal-Ewropa.
Fir-rawnd ta’ kwalifika minn fost 36 ġinnasta, Tara Vella Clark temmet fir-raba’ post bi skor impressjonanti ta’ 12.200 punti. Hija temmet wara Ana Barbosu tar-Rumanija bi 13.033 punti, Andrea Preda tar-Rumanija bi 12.866 punti u Sevgi Kayisoglu tat-Turkija bi 12.266 punti.
Il-finali intrebħet kif kien mistenni minn Ana Barbosu tar-Rumanija bi 13.100 punti qabel Greta Mayer tal-Ungerija u Andrea Preda tar-Rumanija.
