Chris Cassar
SAN GWANN ………………………… 0
MARSAXLOKK ……………………….. 0
San Gwann: C. Formosa, J. Bowman, L. Mallia, C. Gauci, O. Spiteri, Z. Bowman, A. Zammit, C. Omoruanzoje, C. Gauci, U. Calistus, A. Falzon.
Marsaxlokk: F. Tabone, C. Degabriele, J.P. Morales, G. Barone, D. Cartella, P. Doffo, J.P. Mifsud Triganza, B. Sciberras, C. Brincat, P. Xuereb, R. Fenech.
Referee: Ezekiel Barbara
Marsaxlokk u San Gwann kisbu punt kull wieħed fi draw ta’ mingħajr gowls, f’logħba fejn il-protagonista assoluta kienet ix-xita li bdiet nieżla, kultant b’intensita’ qawwija, ftit qabel ma bdiet il-logħba u kompliet sa kważi t-tmiem tagħha.
Ir-riżultart hu wieħed ġust għaliex minkejja li Marsaxlokk kienu xi ftit aħjar, fil-verita’ l-ebda tim ma kien ħaqqu li joħroġ tellief minn dan il-konfront.
Fl-ewwel taqsima kienu Marsaxlokk l-iktar li attakkaw u kellhom diversi tentattivi iżda dejjem sabu lill-goalkeeper Cain Formosa attent fejn wettaq diversi saves. San Gwann minn naħa tagħhom kellhom xi azzjonijiet perikolużi wkoll, l-iktar b’tentattivi ta’ Andrea Zammit li fallew ftit il-mira.
It-tieni taqsima bdiet b’xutt ta’ Calistus jgħaddi ftit barra. Fis-70 minuta ċans tad-deheb għal Marsaxlokk bix-xutt mill-viċin ta’ Mifsud Triganza salvat b’diffikulta minn Formosa. Fis-76 minuta daqqa ta’ ħarta għal Marsaxlokk meta Christian Degabriele ntwera t-tieni karta safra.
Din it-tkeċċija iżda qisha ħalliet effett bil-kontra għaliex minkejja li bi plejer inqas kienu iktar Marsaxlokk li fittxew ir-rebħa fl-aħħar ħinijiet tal-logħba. Iżda minkejja l-isforzi l-iskor baqa’ ma nfetaħx sat-tmiem.
