“Illum għandna l-ikbar prova li l-istituzzjonijiet f’pajjiżna huma maħtufa mill-Gvern ta’ Robert Abela.”
Sostna dan il-Kap tal-Partit Nazzjonalista Bernard Grech wara li l-Ħadd filgħodu l-ġurnal The Sunday Times of Malta rrapporta li l-Prim Ministru allegatament talab lill-Kummissarju tat-Taxxa Marvin Gaerty informazzjoni sensittiva dwar l-istess Bernard Grech. Dan filwaqt li l-istess Gaerty ma tax il-kunsens tiegħu lill-Pulizija sabiex jaċċessawlu l-mobile tal-Gvern, b’dawn tal-aħħar jistennew il-permess ta’ Abela.
Il-Kap tal-Partist Nazzjonalista insista li Abela allegatament għandu interess personali jagħtix l-aprovazzjoni tiegħu jew le sabiex il-Pulizija twettaq dmirha.
Dan għaliex, kompla Bernard Grech, li “potenzjalment l-investigazzjoni jaf tikxef li hu wettaq reat fiskali” u għaldaqstant qed jirrifjuta li jagħti l-permess.
Bernard Grech saħaq li, “illum għandna raġuni oħra għalfejn Robert Abela jinsab dgħajjef mal-Ministri u s-Segretarji Parlamentari tiegħu”.
“Din hi l-kontinwità li wiegħed u qed iwettaq fil-prattika Robert Abela”
