Iċ-champion Olimpika tal-100m hurdles Brianna McNeal tal-Istati Uniti ġiet sospiża proviżorjament minn kull attivitá fl-atletika wara li ġiet akkużata bi ksur tar-regoli kontra d-doping. Skont iċ-Centru tal-Integrita’ tal-Atletika , McNeal ġiet akkużata għal tbagħbis fil-proċess tat-testijiet li kellha tagħmel . Brianna McNeal, li għandha 29 sena, rebħet il-midalja tad-deheb fl-Olimpjadi ta’ Rio 2016 u kienet ukoll champion tad-dinja tliet snin qabel.
Hija ħaditx sehem fil-Kampjonati tad-Dinja tal-2017 minħabba li kienet sospiża għal sena talli falliet milli tgħamel tliet testijiet tad-doping. It-tbagħbis jew attentat ta ‘tbagħbis matul il-proċess tal-kontroll tad-doping iġorr projbizzjoni sa erba ‘snin jekk ikun ippruvat. Peress li McNeal fil-passat kienet sospiża, jekk tinstab ħatja tista tingħata sospensjoni sa massimu ta’ tmien snin. Hija kienet skwalifikata mill-100m hurdles fil-Kampjonati tad-dinja tal-2019 f’Doha wara bidu falz fil-kwalifikazzjoni.
