Raġel armat b’sikkina wettaq serqa ilbieraħ filgħaxija minn ħanut f’Tas-Sliema.
Stqarrija tal-Pulizija tgħid li s-serqa seħħet għall-ħabta tas-7.30p.m. fi Triq Rodolfu meta r-raġel daħal fil-ħanut u talab il-flus lil tfajla ta’ 23 sena li kienet fil-ħanut.
Il-ħalliel ħarab minn fuq il-post bi flus kontanti. Ħadd ma weġġa f’dan l-inċident. Il-Pulizija għaddejja bi tfittxija għall-aggressur.
