Żewġt irġiel inżammu arrestati wara li ġew akkużati b’diversi reati relatati ma’ serq ta’ għodda minn sit tal-bini f’Ħal Qormi. L-Ispettur Roderick Agius akkuża lil Joseph Galea ta’ 30 sena minn Ħaż-Żebbuġ li huwa bla xogħol u lil Emanuel Degabriele ta’ 31 sena minn Ħ’Attard, li xogħolu huwa li jġorr l-għamara quddiem il-maġistrat Yana Micallef Stafrace.
Il-Ħamis 14 ta’ Jannar, il-Pulizija, waqt li kienet qed taġixxi fuq tip off sabet karozza Kia Avella ħdejn sit tal-kostruzzjoni bl-għodda misruqa moħbija ġewwa.
L-irġiel instabu fil-viċin, jippruvaw jistaħbaw u li huma kienu qegħdin jiksru l-curfews tal-pleġġ tagħhom, spjega l-Ispettur Roderick Agius. L-irġiel ġew akkużati li wettqu s-serq aggravat tal-għodda, kif ukoll li kellhom fil-pusses tagħhom oġġetti misruqa, li saru reċidivi u li kisru l-kundizzjonijiet tal-libertà proviżorja.
L-Avukati Mario Mifsud, għal Galea u Charles Mercieca, għal Degabriele, qalu li l-klijenet tagħhom mhumiex ħatja tal-akkużi miġjubin kontrihom. Degabriele qal li kien fi triqtu lejn klinika minħabba uġigħ fis-sidru, qal Merceica, u żied li l-Pulizija ħaduh hemm u li r-raġel kellu ċertifikati mediċi biex jipprova dan.
“Degabriele qed jgħid li ma kellu xejn x’jaqsam mar-reat. Ma kien hemm l-ebda evidenza li rabtitu miegħu. L-unika raġuni li ġie arrestat kienet minħabba li kien ħabib tal-akkużat l-ieħor,” issottometta Mercieca, billi sostna li kien obda b’mod skrupluż il-kundizzjonijiet tal-pleġġ tiegħu.
Il-Qorti, madankollu, ċaħdet il-libertà proviżorja lil Degabriele. Wara li argumenta mal-klijent tiegħu, l-avukat ta’ Galea, Mario Mifsud talab lill-qorti għall-ħelsien mill-arrest, u b’nofs ta’ ċajta qal li kien se jgħid talba minflok jagħmel sottomissjonijiet, waqt li f’idu kellu stampa qaddisa.
Mifsud, madankollu, deher frustrat fejn irrimarka li l-ispettur kien naqas li jsemmi fil-Qorti li Galea kkopera bis-sħiħ mal-Pulizija. Il-Qorti osservat li Galea ma kellux indirizz fiss u ċaħditu l-libertà proviżorja wkoll.
//= $special ?>