Sport Sport Ieħor

Stephane Peterhansel jirbaħ ir-Rally Dakar għall-erbatax il-darba fil-karriera

Fl-Arabja Sawdita għall-erbatax il-darba fil-karriera, Stephane Peterhansel rebaħ ir-Rally Dakar meta għeleb l-isfida ta’ Nasser Al-Attiyah u Carlos Sainz. Huwa ħa l-vantaġġ wara t-tieni mit-12-il stadju, u eventwalment rebaħ b’14 il-minuta u 51 sekonda distakk mit-Toyota ta ‘Al-Attiyah.

Is-sewwieq X-raid Mini rebaħ biss stadju wieħed fir-rally li kien id-disa’ prova madwar Neom, l-inqas suċċess tiegħu mill-2015. Madankollu, huwa wera konsistenza notevoli matul ir-Rally, u spiċċa barra l-ewwel tlieta fi stadju wieħed biss u qatt ma tilef aktar minn ħames minuti kontra l-avversarji diretti. Is-suċċess tiegħu wasal 30 sena wara l-ewwel suċċess li kellu f’Dakar, meta rebaħ għal Yamaha fil-klassi tal-muturi.

Ir-rivali ewlieni ta’ Peterhansel Al-Attiyah rebaħ ħames stadji, l-iktar wieħed mis-sewwieqa fl-2021. Is-sewwieq Qatari rnexxielu jnaqqas id-distakk għal taħt is-sitt minuti mit-tmien stadju fejn kienet it-tieni telfa ta’ Al-Attiyah kontra sewwieq tal-Mini f’dawn l-istess snin, wara li tilef kontra Sainz fl-2020.

Fil-kategorija tal-muturi, is-sewwieq tal-Monster Energy Honda Kevin Benavides rebaħ l-ewwel titlu tiegħu tar-Rally Dakar b’total ta’ 47 siegħa, 18-il minuta u 14-il sekonda wara tnax-il stadju. Fit-tieni post tal-klassifika ġenerali temm sieħbu Ricky Brabec, segwit mit-tliett sewwieqa ta’ KTM Sam Sunderland, Daniel Sanders u Skyler Howes.

Intant, is-sewwieq Franċiż Pierre Cherpin miet wara ħabta fis-seba’ stadju tar-Rally li saret fl-10 ta’ Jannar fejn intilef minn sensieħ u minn dakinhar qatt ma rkupra.

Ikkummenta