Fillandiż ta’ 31 sena residenti l-Imrieħel ittieħed l-Isptar Mater Dei wara li kien involut f’inċident tat-traffiku bil-mutur fi Triq Għar
Dalam, Birżebbuġa.
L-inċident seħħ dalgħodu għall-ħabta tal-9.45am.
Mill-ewwel stħarriġ li għamlet il-Pulizija rriżulta li seħħ impatt bejn il-mutur KTM misjuq mill-Fillandiż u karozza VolksWagen Golf
misjuqa minn raġel ta’ 22 sena residenti Ħal Għaxaq.
Tim mediku mar fil-post ta’ l-inċident sabiex jassisti lis-sewwieq tal-mutur li aktar tard kien iċċertifikat li weġġa’ gravi.
L-investigazzjonijiet tal-Pulizija b’rabta ma’ dan l-inċident għadhom għaddejjin.
