Fl-aħħar ħin il-Kap tal-Partit Nazzjonalista ħabbar dak li hu x-Shadow Cabinet tiegħu. Shadow Cabinet li jfisser Partit preparat għall-elezzjoni ġenerali li ġejja.
Dawn l-aħħar mitt jum tal-Kap tal-Oppożizzjoni u tal-Partit Nazzjonalista Bernard Grech kienu kkaratteriżati minn tiġdid fil-Partit Nazzjonalista, permezz ta’ ħidma intensiva, kemm interna fi ħdan l-istess strutturi tal-Partit u l-approvazzjoni ta’ kandidati għall-elezzjoni ġenerali, kif ukoll dik esterna permezz ta’ kuntatt kontinwu ma’ diversi entitajiet, korpi kostitwiti u laqgħat mill-qrib man-nies fuq livell lokali.
Il-Grupp Parlamentari Nazzjonalista hu fundamentali għal dan it-tiġdid, u li tul dawn il-mitt jum iltaqà medja ta’ aktar minn darba kull ġimgħatejn. Għal dan il-għan, wara laqgħat li kellu l-Kap tal-Oppożizzjoni u tal-Partit Nazzjonalista Bernard Grech mal-membri tal-Grupp Parlamentari bl-iskop li jsaħħaħ il-ħidma tal-Grupp fix-xhur li ġejjin, it-tiġdid qiegħed jitkompla sabiex il-Partit Nazzjonalista iwettaq il-viżjoni tiegħu – dik li joffri Paġna Ġdida għal Pajjiżna.
Lista tar-responsabbiltajiet tal-membri tal-Grupp Parlamentari tal-Partit Nazzjonalista:
Kap tal-Oppożizzjoni
Bernard Grech
Viċi Kap għall-Affarijiet tal-Parlament u Kelliem għall-Inklużjoni u l-Kwalità tal-Ħajja
David Agius responsabbli mill-Pensjonijiet, Politika dwar it-Tfal, Inklużjoni u Kwalità ta’ Ħajja Aħjar u Social well-being
Viċi Kap għall-Affarijiet tal-Partit u Kelliem għat-Turiżmu
Robert Arrigo responsabbli mis-settur tat-Turiżmu
Whip u Kelliem għall-Ambjent u Tibdil fil-Klima
Robert Cutajar responsabbli mill-Politika Ambjentali u għar-Riżorsi, Politika dwar Tibdil fil-Klima, Strateġija għall-Immaniġġjar tal-Iskart, Proġetti Ambjentali, Żoni Marini Protetti, Natura 2000, Tisbiħ Urban
Segretarju tal-Grupp Parlamentari u Kelliem għall-Ġustizzja
Karol Aquilina responsabbli mis-settur tal-Ġustizzja u mir-Riforma Elettorali
Deputat Whip u Kelliem għall-Fondi Ewropej u l-Għaqdiet Volontarji
Kevin Cutajar responsabbli mill-Fondi u Programmi Ewropej, State Aid u mis-settur tal-Għaqdiet Volontarji u Non Governattivi
Deputat Whip u Kelliem għall-Gvern Lokali, Wirt Nazzjonali u ż-Żgħażagħ
Karl Gouder responsabbli mill-Gvernijiet Lokali, l-Indafa Pubblika, l-Wirt Nazzjonali, Kultura u l-Arti u ż-Żgħażagħ
Deputat Speaker u Kelliem għall-Politika Soċjali u l-Familja
Claudette Buttigieg responsabbli mill-Politika Soċjali, Politika dwar il-Familja, Sigurtà Soċjali u Servizzi ta’ Solidarjetà, Protezzjoni tal-Konsumatur u Membru tal-Covid Action Team
Kelliem għax-Xogħol, Taħriġ, Kompetittività u Intrapriża
Jason Azzopardi responsabbli mis-settur tax-Xogħol u t-Taħriġ, Malta Enterprise, Kompetittività u Relazzjonijiet Industrijali
Kelliem għall-Akkomodazzjoni Soċjali u Affordabbli u l-Ġlieda kontra l-Faqar
Ivan Bartolo responsabbli mis-settur tal-Akkomodazzjoni Soċjali, Politika għall-Akkomodazzjoni Affordabbli u l-Ġlieda kontra l-Faqar
Kelliem għat-Trasport u l-Infrastruttura
Toni Bezzina responsabbli mis-Settur tat-Trasport u l-Infrastruttura, Portijiet, Avjazzjoni u Affarijiet Marittimi
Kelliem għall-Politika dwar l-Ilma u l-Enerġija u l-Iżvilupp Sostenibbli
Ryan Callus responsabbli mill-Immaniġġjar tal-Ilma,
Politika dwar l-Enerġija, Enerġija Alternattiva, Ħarsien u mmaniġġjar tal-Parks u Widien u l-Iżvilupp Sostenibbli.
Kelliem għad-Drittijiet Umani u l-Governanza Tajba
Therese Comodini Cachia responsabbli mid-Drittijiet Umani, Governanza Tajba u r-Rule of Law
Kelliem għall-Finanzi
Mario De Marco responsabbli mill-Finanzi u l-Airmalta
Kelliema għall-Iżvilupp Ekonomiku u l-Industrija
Kristy Debono responsabbli mis-Settur Ekonomiku, Servizzi Finanzjarji,
Gaming, Artijiet, Ħolqien ta’ Setturi Ekonomiċi Ġodda u s-Settur Industrijali.
Kelliema għall-Anzjani u l-Kura fil-Komunità
Maria Deguara responsabbli mis-Settur tal-Anzjani u l-Kura fil-Komunità u membru tal-Covid Action Team
Kelliem għar-Riforma Kostituzzjonali, d-Djalogu Soċjali u x-Xandir Nazzjonali
Joseph Ellis responsabbli mid-Diskussjonijiet dwar ir-Riforma Kostituzzjonali, d-Djalogu Soċjali, x-Xandir Nazzjonali u l-Amministrazzjoni Pubblika
Kelliem għall-Intern, is-Sigurtà Nazzjonali u ċ-Ċittadinanza
Beppe Fenech Adami responsabbli mill-Intern, is-Sigurtà Nazzjonali, l-Immigrazzjoni u ċ-Ċittadinanza
Kelliem għas-Saħħa Mentali u d-Drittijiet tal-Annimali
Mario Galea responsabbli mis-settur tas-Saħħa Mentali, Dimensja, ġlieda kontra d-Dijabete u d-Drittijiet tal-Annimali
Kelliem għat-Tiġdid Politiku, Riċerka u Innovazzjoni
Claudio Grech responsabbli mit-Trasformazzjoni u l-Innovazzjoni tal-Politika tal-Partit Nazzjonalista, tfassil tal-viżjoni Soċjo-ekonomika, l-implimentazzjoni tal-Policy Clusters, tfassil tal-Programm Elettorali, Riċerka, Innovazzjoni, Xjenza u Teknoloġiji u l-pjan tal-irkupru wara l-Covid-19. Membru tal-Covid Action Team.
Kelliem għall-Affarijiet Barranin u Ewropej
Carm Mifsud Bonnici responsabbli mir-Relazzjonijiet ta’ Malta ma’ Pajjiżi Barranin
Kelliem għall-Edukazzjoni u l-Isport
Clyde Puli responsabbli mis-settur tal-Edukazzjoni, l-Isport, ġlieda kontra l-Obeżità u membru fil-Covid Action Team
Kelliem għal Għawdex
Chris Said responsabbli għal Għawdex
Kelliem għall-Ippjanar u l-Industrija tal-Kostruzzjoni
Hermann Schiavone responsabbli mill-Ippjanar tal-Iżvilupp, is-Suq tal-Propjetà, l-Industrija tal-Kostruzzjoni, u l-Port Ħieles
Kelliem għas-Saħħa u r-rispons għall-Pandemija
Stephen Spiteri responsabbli mis-Settur tas-Saħħa u membru fil-Covid Action Team
Kelliem għall-Ekonomija l-Ħadra u l-Proġetti Kapitali
David Thake responsabbli mill-Ekonomija l-Ħadra u l-Proġetti Kapitali.
Kelliem għall-Agrikoltura, Sajd u n-Negozji ż-Żgħar
Edwin Vassallo responsabbli mis-settur tal-Biedja u s-Sajd, Ħarsien tad-Delizzji tradizzjonali inkluż Kaċċa u Nsib, is-settur tal-Koperattivi u s-settur tan-Negozji ż-Żgħar
Id-Deputat Adrian Delia għażel li ma jkollux shadow portfolio.
