Ġuvni Sirjan ta’ 17–il sena, qiegħed isofri minn ġrieħi gravi wara li weġġa’ f’sit ta’ kostruzzjoni fl-akwati ta’ Ħal Farruġ.
Għall-ħabta tad-9:00am, il-Pulizija ġiet infurmata li hemm bżonn l-assistenza tagħha minħabba li kien weġġa’ ħaddiem.
Il-Pulizija marret minnufih fil-post u minn stħarriġ preliminari li sar, irriżulta li l-ġuvni sofra xi ġrieħi għax waqa’ minn sellum.
Fuq il-post issejjaħ tim mediku li taw l-ewwel għajnuna u ambulanza li ħadet lil vittma l-Isptar Mater Dei għall-kura meħtieġa.
L-investigazzjoni tal-Pulizija dwar dan l-incident għadha għaddejja.
