| Attività li mhux is-soltu narawha fil-pjazez tagħna. It-Tnejn filghodu, Adrian Axisa, Master tat-Tai Chi f’pajjiżna mexxa sessjoni ta’ din l-arti Ċiniża f’misraħ San Ġużepp l-Imsida. Tul din is-sessjoni pparteċipaw ukoll żewġ anzjani. Din id-dixxipplina hija arti marzjali orjentali li minkejja li oriġinat bħala arti ta’ self defense, fil-ġurnata tal-lum hija prattikata minhabba l-benefiċċji tagħha għas-saħħa fiżika kif ukoll bħala mezz ta’ meditazzjoni. Dawk kollha interessati issa se jkollhom l-opportunità li jipprattika din id-dixxipplina permezz ta’ servizz online b’xejn li qed ikun offrut mill-Kunsilli Lokali ta’ lokalitajiet varji. |
