Raġel inqatel u 10 oħra jinsabu feruti wara ħames attakki b’sikkina li seħħew fiz-zona ta’ Croydon, fin-Nofsinhar ta’ Londra.
Il-pulizija f’Londra qalu li għadhom jinvestigaw jekk dawn l-attakki għandhomx x’jaqsmu ma’ xulxin. Sa issa qed tistħarreġ fuq il-każ u żewġ persuni jinsabu miżmuma.
Skont rapporti Ingliżi, tnejn minn dawk l-għaxra feruti jinsabu fil-periklu tal-mewt filwaqt li l-oħrajn jinsabu f’kundizzjoni stabbli.
