Il-Kap tal-PN Bernard Grech dalgħodu ltaqa’ ma’ Carmen De Marco li tgħix il-Mosta hekk kif illum għalqet l-età sabiħa ta’ 100 sena.
Bernard Grech qal li jħossu onorat li ltaqa’ ma’ din il-mara, mara li bil-valuri tagħha tat kontribut kbir lis-soċjetà Maltija speċjalment lis-soċjetà Mostija.
Min-naħa tagħha Carmen ma naqsitx milli tirrakkonta diversi ġrajjiet li għaddiet minnhom matul ħajjitha inkluż kif kienet il-ħajja fil-Mosta fiż-żminijiet l-imgħoddija.
Flimkien mal-Kap tal-PN kien hemm il-Viċi Kap għall-ħidma fil-Parlament David Aguis u d-deputati Edwin Vassallo u Marija Deguara.
