- Prim Ministru ta’ Malta għandu paga ta’ madwar €63,000.
- Ministru għandu paga ta’ €56,000.
- Edward Scicluna għandu paga ta’ madwar €150,000 fis-sena, il-maġġor parti tagħhom imħallsin mit-taxxi tal-poplu Malti.
L-Eks Ministru Laburista, Edward Scicluna, bla dubju hu wieħed mill-iktar uffiċjali mħallsa fis-settur pubbliku. Apparti li għandu pakkett ta’ €138,000 bħala Kap tal-Bank Ċentrali, issa se jkun qed idaħħal €12,000 oħra bħala membru f’bord fl-MFSA. Dan apparti dividendi, interessi, onorarji, vantaġġi u pensjonijiet ta’ aktar eluf fis-sena.
Scicluna rriżenja minn Ministru tal-Finanzi f’Novembru li għadda u ftit wara ġie maħtur Gvernatur tal-Bank Ċentrali ta’ Malta. L-eks Ministru kien diġa fl-aħbarijiet ix-xahar li għadda wara li ħareġ li kien żied is-salarju tal-Gvernatur tal-Bank Ċentrali bi €11,000 – żieda li ta ftit xhur qabel ma ħa l-irwol hu stess – żieda li ħafna qed iqisuha bħala waħda li ta lilu nnifsu.
Il-paga tal-eks MEP tal-Labour tikkonsisti wkoll minn bonus ta’ 20% u minbarra l-pakkett total ta’ €138,000, Scicluna għandu wkoll assigurazzjoni medika, tal-karozza u tat-telefon mħallsa mill-Bank Ċentrali. Scicluna, fil-fatt, jitħallas €38,000 aktar mill-predeċessur tiegħu.
The Malta Independent on Sunday bagħtet numru ta’ mistoqsijiet lil Scicluna dwar dan kollu u staqsiet għar-remunerazzjoni totali tiegħu u għal kopja tal-kuntratt. Scicluna intalab jikkonferma jekk jaħsibx li l-onaraja ta’ €12,000 li se jieħu mill-MFSA hux eċċessiva fid-dawl tal-pakkett imdaqqas li qed jieħu mill-Bank Ċentrali. Fi tweġiba qasira, l-assistent tiegħu qal li Scicluna ma kellu xejn xi jżid ma dak li qal il-Ministru Clyde caruana fil-Parlament.
Din kienet risposta xi ftit stramba għaliex il-mistoqsija li fiha Caruana kellu jwieġeb dwar Scicluna, għadha mistoqsija mhux imwieġba fil-Parlament. Filfatt, il-Ministru Caruana qal lid-deputat tal-PN Therese Comodini Cachia li se jkun qed iwieġeb f’seduta futura.
Fl-aħħar dikjarazzjoni tiegħu ta’ assi mressqa fil-Parlament, Scicluna ddikjara wkoll‘ il fuq minn €150,000 fi stokks tal-gvern kif ukoll depożiti bankarji lokali ta ’€ 745,000.
