Luigi Sartor, eks plejer ta’ Juventus, Inter, Roma u Parma kien arrestat flimkien ma’ persuni oħra wara li nqabad ikabbar aktar minn 106 pjanti tal-marijuana f’Lesignano Palmia, raħal f’Parma l-Italja.
L-eks plejer ta’ 46 sena kien arrestat nhar il-Ġimgħa waqt li kien dieħel ma’ persuna oħra fis-serra fejn kienu qed ikkabbru din is-sustanza. Fl-2011 l-istess Sartor kien diġa ġie arrestat dwar korruzjoni fil-futbol.
