Xufier u erba’ Diretturi ta’ kumpanija llum se jibdew proċeduri fil-Qorti mixlijin bi qtil involontarju ta’ żewġ turisti f’inċident li kien seħħ permezz ta’ ‘double decker’ meta dan laqat siġra fiż-Zurrieq. Il-vittmi kienu mara Spanjola u Belġjan. L-inċident kien seħħ fid-9 ta’ April tal-2018 fejn il-karozza tat-turisti kien laqtet zokk ta’ siġra.
Is-sewwieq Charles D’Amato ta’ 27 sena minn Ħal Qormi, u erba’ Diretturi aħwa, Lee Ann Borg 37 sena, residenti l-Mellieħa, Kim Degabriele ta’ 40 sena, Noel Degabriele ta’ 24 u Philip Degabriele 32 sena, kollha residenti Ħal Luqa, jiġġestixxu l-kumpanija City Sightseeing Malta Limited.
Il-proċeduri se jibdew jinstemgħu dalgħodu quddiem il-Maġistrat Joe Mifsud fejn il-ħames persuni li se jkunu qed jitressqu b’ċitazzjoni mill-Ispettur Janetta Grixti fuq qtil involontarju ta’ Elisaveta Danielova Avdala u Koenraad Richard B De Vrieze.
Huma se jkun mixlija wkoll talli kkaġunaw feriti gravi fuq it-turisti Carla Castillo, Simon Morrison, Suzanne Handerson, Michael Handerson, Robert Butt, Karam Raj Singh, Raydeep Singh u Angela Gashstatter.
Se jkunu qegħdin jiġu akkużati wkoll li kkaġunaw feriti ħfief fuq 13-il turist u li kkaġunaw ħsara fuq id-double-decker. D’Amato waħdu qed ikun mixli fuq sewqan perikoluż u traskurat u li ma kienx f’pożizzjoni li jsuq minħabba xorb jew droga u talli naqas li jissalvagwardja s-saħħa tiegħu u ta’ ħaddieħor.
L-erba’ Diretturi mixlijin ukoll talli naqsu li jiżguraw is-saħħa ta’ ħaddieror u l-miżurin essenzjali, li naqsu li jipprovdu superviżjoni u tagħlim meħtieġ biex iħarsu s-saħħa u li naqsu li jinfurmaw lill-Korporazzjoni għax-Xogħol u Taħriġ bl-impieg tax-xufier. L-Avukati ta’ D’Amato huma Franco Debono u Amadeus Cachia filwaqt li Shazoo Ghaznavi se jidher għall-erba’ Diretturi.
Minbarra ż-żewġ turisti li nqatlu, sitt oħra kienu ndarbu b’mod kritiku, u 44 ġew ittrattati meta karozza tal-linja tat-turisti double-decker laqtet fergħat tas-siġar baxxi fi Triq il-Belt Valletta, Żurrieq.
Ir-raġel Belġjan ta’ 62 sena u mara Spanjola ta’ 37 sena kienu mietu fuq il-post u fost il-midruba kien hemm 12-il tifel u tifla. Flotta ta’ 10 ambulanzi kienet intbagħtet fuq il-post. Madwar 50 persuna kienu ngħataw trattament mediku. 19 fiċ-ċentru tas-saħħa ta’ Raħal Ġdid u l-bqija fl-Isptar Mater Dei.
Ħafna mill-ġrieħi li sofrew kienu fir-ras u fil-parti ta’ fuq tal-ġisem.
Raġel Skoċċiż, kien kważi miet fil-ħabta u kienet ħarġet il-frustrazzjoni tiegħu dwar is-silenzju sħiħ mill-awtoritajiet Maltin dwar l-investigazzjonijiet.
“Jien diżappuntat ħafna. Żewġ persuni mietu u kelli erba ‘membri mill-familja tiegħi li assistew għal dan l-inċident makabru. Madankollu, jidher li dan il-każ intesa, ”qal Simon Morrison meta kien tkellem ma’ ġurnali lokali u barranin.
Ir-raġel ta ’42 sena minn Aberdeen, minn Middlefield Wasps kien qatta’ erba ’ġimgħat f’koma wara li sofra ġrieħi gravi f’rasu meta tal-linja ‘hop-on hop’-off laqat siġra fiż-Żurrieq. Mara Spanjola u r-raġel Belġjan li miet kienu bilqiegħda ftit ċentimetri ‘l bogħod minnu.
Filwaqt li jqis lilu nnifsu bħala xxurtjat li għadu ħaj u se jkun dejjem grat għall-istaff ta ’l-Isptar Mater Dei fejn għamel operazzjoni urġenti biex jikkura ferita f’rasu miftuħa, Morrison kien qal li l-ħajja qatt ma kienet l-istess minn dak inhar ‘l hawn.
“Qed nissielet bi problemi ta’ mobbiltà u, xi drabi, inħossni konfuż u sturdut bħala riżultat tal-korriment gravi fir-ras li sofrejt. Għandi niddependi fuq il-familja tiegħi anke għal affarijiet sempliċi bħax-xiri u ma stajtx nerġa ‘lura għax-xogħol,” huwa qal.
Akkumpanjat minn erba ’membri tal-familja, Morrison kien ilu Malta għal ftit sigħat biss meta ddeċieda li jieħu l-bus turistiku hop-on hop-off biex jieħu l-ewwel idea tal-gżejjer Maltin fl-ewwel jum tal-vaganza tagħhom. Huwa kien qal li ftit li xejn ingħata informazzjoni mill-awtoritajiet Maltin.
“L-uniku feedback li sibt s’issa kien meta kont staqsejt personalment lill-korp tal-Pulizija Malti bl-e-mail dwar l-aħħar żviluppi u r-risposta li sibt kienet li l-investigazzjonijiet kienu għadhom għaddejjin u li inkjesti dwar każijiet serji bħal dawn ma setgħux isiru bl-għaġġla.”
Irrispettivament mill-eżitu tal-investigazzjoni, Morrison kien sod li qatt mhu se jerġa jirfes fuq l-art Maltija. “Filwaqt li ma kontra n-nies, mhux għandi xejn kontra l-poplu Malti, qatt ma nemmen li se nerġa niġi Malta wara din l-esperjenza trawmatika,” huwa kien qal.
