F’laqgħa tal-Kumitat Parlamentari għall-Affarijiet Soċjali, l-Oppożizzjoni mhux biss mpenjat ruħha li tħejji l-aġenda fi ħdan l-istess Kumitat imma qed tħeġġeġ ukoll ġenituri ta’ persuni b’diżabilità biex iressqu l-ideat tagħhom għaż-żmien li ġej.
Matul il-laqgħa li għaliha kienu preżenti l-Viċi Kap tal-PN David Agius, flimkien mad-Deputati Ivan Bartolo u Maria Deguara, l-Oppożizzjoni Nazzjonalista qajmet u nnutat diversi punti fosthom:
· In-nuqqas ta’ informazzjoni dwar l-awtiżmu u għahekk dan jibqa nviżibbli f’pajjiżna. Għalhekk l-Oppożizzjoni talbet biex minbarra stħarriġ u riċerka mill-Università ta’ Malta, issir mistoqsija speċifika dwar l-Awtiżmu fiċ-ċensiment li jmiss.
· L-Oppożizzjoni talbet ukoll li tiġi diskussa l-issue tat-trasport fost bnedmin bl-awtiżmu, l-aktar meta jiġu biex isibu mpjieg.
· Ġibdet ukoll l-attenzjoni għan-nuqqas ta’ LSE’s, Jobcoaches u terapisti, li jkunu jistgħu jiffaċilitaw il-ħajja ta’ dawn, fl-inqas tbatija possibbli.
· Li l-Gvern jara li s-servizz tat-terapija mis-CDAU ma jibqax on-line, minħabba li din tkun ta’ telfa kbira fl-iżvilupp tal-klijenti msemmija. Is-servizz qed jingħata on-line fuq struzzjonijiet mid-Dipartiment tas-Saħħa.
· Fost punti oħrajn l-Oppożizzjoni talbet ukoll li tkompli tiltaqa’ fil-kumitat ma’ NGO’s f’ pajjiżna, fosthom mal-Federazzjoni tal-għaqdiet għal persuni b’biżabilità u anki mal-NGO dwar l-HDHD, id-Down Syndrome u oħrajn, biex minbarra li l-membri jkomplu jinfurmaw ruħhom, imma jkomplu jissettjaw l-aġenda u jkunu pro-attivi fl-għajxien tal-persuni b’ biżabilità.
Dawn il-punti u oħrajn li membri tal-Oppożizzjoni tkellmu dwarhom ġew mitluba biex b’mod immedjat tittieħed azzjoni minnufih, biex il-ġenituri ma jħossuhomx mitlufa, iżda għal kuntrarju jħossu li s-soċjetà qiegħda tismagħhom u tifhem il-karba kontinwa tagħhom; l-aktar minħabba li b’ din il-kundizzjoni u l-imġieba ta’ wliedhom, il-ġenituri spiss ikunu eżawriti u li b’hekk ma jkunux jistgħu ikomplu b’ ħajjithom b’ mod normali.
//= $special ?>