Is-Sibt filgħaxija waqt xandira diretta fuq TSN1 u l-paġni soċjali ta’ facebook, tħabbru r-rebbieħa tal-iSportMalta Awards Għażliet Sportivi Nazzjonali.
Il-61 edizzjoni kienet ikkaratterizzata mill-fatt li minħabba s-sitwazzjoni preżenti tal-Covid19 is-serata ma setatx issir bħas-soltu fil-preżenza ta’ dawk kollha involuti. Minflok saret edizzjoni virtwali konformi ma’ l-aħħar avviż legali maħruġ mill-Awtoritajiet tas-Saħħa Pubblika.
Kelliema waqt din ix-Xandira kienu s-Segretarju Parlamentari responsabbli mill-iSport, Rikreazzjoni u Organiżazzjonijiet Volontarji l-Onor Clifton Grima, iċ-Chairman ta’ SportMalta Dr Lucjano Busuttil, il-Kap Eżekuttiv ta’ SportMalta Mark Cutajar u l-President tal-Għaqda Ġurnalisti Sports Sandro Micallef.
Għal sena oħra din is-serata kienet organizzata b’mod konġunt mill-Għaqda Ġurnalisti Sports flimkien ma’ SportMalta bl-appoġġ sħiħ tas-Segretarjat responsabbli mill-isport.
Waqt din ix-xandira li kienet ippreżentata minn Lorraine Cunningham u Chris Cauchi ġew mqassma 11 il-unur – sebgħa fuq votazzjoni tal-ġurija, wieħed fuq vot popolari tan-nies, wieħed għażla tal-Kumitat Eżekuttiv tal-Għaqda Ġurnalisti Sports u tnejn fuq suġġeriment ta’ Special Olympics.
F’isem l-oppożizzjoni permezz ta’ Zoom attenda wkoll il-Kelliem tal-Oppożizzjoni għall-Edukazzjoni u Sport l-Onor. Clyde Puli
L-unuri kollha mqassma kienu dawn:
