Ċittadin Daniż li joqgħod Marsalforn ingħata sentenza sospiża talli hedded Maniġer tal-linja tal-ajru fl-Ajruport Internazzjonali ta’ Malta wara li ġie rrifjutat li jitla’ abbord minħabba li r-riżultat tat-test COVID-19 tiegħu ma kienx riċenti biżżejjed.
Abdel Wahab Adam Kevin ta ’30 sena minn Copenhagen, tressaq quddiem il-Maġistrat Doreen Clarke mill-Ispettur tal-pulizija Silvio Magro, akkużat li hedded Maniġer tal-Lufthansa, ipprova juża l-forza kontrih, ostakola s-sigurtà tal-ajruport internazzjonali ta’ Malta, li qal kliem oxxen fil-pubbliku u kiser il-paċi pubblika.
Il-Qorti semgħet kif ir-raġel sploda wara li qalulu li l-uniku test li kien se jiġi aċċettat kien dak rapidu (rapid resting). Huwa kien għamel it-test normali (swab test) li iżda dam ħafna iktar biex joħorġ r-riżultat.
L-akkużat, assistit mill-avukat Mario Mifsud, ammetta l-akkużi kontrih. Il-Qorti kkundannatu sena ħabs, sospiżi għal sentejn, flimkien ma’ multa ta’ €200
