“Għedt lil Yorgen Fenech biex ikellem lill-Kummissarju tal-Pulizija fuq il-każ u qalli li ma kien kienx jafu. Fil-pront għidtlu – mhux tkellem lil Keith Schembri, u ma weġibniex.
“Jien lill-Kummissarju qatt ma kellmtu u għalhekk tlabt lil Fenech biex ikellmu hu. Jien dejjem poġġejt lil Keith Schembri u lil Yorgen Fenech fl-istess keffa.”
Dan xehedu fl’awla numru 20 Melvin Theuma quddiem il-Maġistrat Rachel Montebello, hekk kif kompliet il-kumpilazzjoni tax-xhieda kontra Yorgen Fenech, li qed jiġi mixli li organizza jew iffinanzja reat kriminali u li assoċja ruħu ma’ persuni biex iseħħ delitt fis-16 t’Ottubru 2017 u fil-ġranet, ġimgħat u snin ta’ qabel.
L-uniku xhud tal-kumpilazzjoni kien Melvin Theuma bil-Prosekuzzjoni tgħid li dan ix-xhud kien lest mid-depożizzjoni tiegħu, iżda għad hemm xi recordings li jridu jinstemgħu u għalhekk reġa’ inġieb biex jixhed dwarhom.
Kien hemm mumenti fejn Theuma ma kienx komdu jagħti x-xhieda tiegħu b’leħnu jidher batut ħafna. F’ħin minnhom niżel ukoll minn fuq il-pedana tax-xhieda sabiex jieħu xi mediċina. Xokkanti minn dak li nstema’ fir-recordings, kien dwar kif kien hemm pjan biex jikkorrompu lis-Supretendent Keith Arnaud u Maġistrat. “Ċertament mhux Rachel Montebello”, qal ix-xhud.
Keith Schembri jappunta l-membri tas-Servizz Sigriet
F’parti oħra minn recording Theuma jinstema’ jitkellem ma’ Johann Cremona dwar is-Servizzi Sigrieti. Fid-diskorsata nstema’ jingħad li ‘dawn huma t-tfal ta’ Keith Schembri, huma tiegħu u hu jappuntahom.’ (Cremona huwa direttur tal-kumpanija tal-logħob Bestplay u Oracle Gaming, li kienet parti mill-imperu tan-negozju tal-Grupp Tumas ta’ Fenech. Huwa kien ukoll ħabib mill-qrib ta’ Theuma).
Melvin Theuma qal li Johann Cremona wegħdu li se jkun miegħu waqt l-interrogazzjoni tiegħu u li dan kien se jkun fil-ġurnata tal-Ħadd. “Johann kien qalli li l-Pulizija kienu jarrestawh fuq in-negozju tal-lottu illegali u mbagħad kien se jkun ikklerjat u l-fajl tiegħu jingħalaq darba għal dejjem, inkluż fuq il-qtil ta’ Daphne Caruana Galizia.
“Aħna ngħidu lill-FBI li ma kien hemm xejn. Kont naf li kont qed niġi tteppjat mis-Servizzi Sigrieta tas-Sigurtà.” Theuma kompla jgħid li Johann Cremona kien jgħidlu li hu jikseb informazzjoni mingħand Kenneth Camilleri, li kien l-iskorta tas-sigurtà tal-eks Prim Ministru Joseph Muscat.
Cremona kien jgħidlu wkoll li l-informazzjoni kienet tgħaddi minn Keith Schembri. Theuma qal ukoll li l-eks Kummissarju tal-pulizija kien ried informazzjoni minn Edwin Brincat, “Il-Ġojja’ dwaru.
Brincat kien bagħat għalih (Brincat) u qallu li l-Kummissarju kien jaf li kellu r-recordings u li din kienet indikazzjoni li l-barranin kienu jafu bihom ukoll.
Theuma tkellem ukoll dwar ħlas li jinvolvi persuna li ma tistax jissemma’. Il-persuna mhix magħrufa sew. Dan kien deher f’ritratt ma’ George u Mario Degiorgio u nies oħra marbuta magħhom.
Fil-bidu tas-seduta l-Maġistrat qalet lil Theuma li jekk ikollu bżonn jieqaf u jistrieħ għal xi ħin, jew ikun irid xi ftit ilma, allura kemm jitlob li jagħmel dan. Theuma kien f’qagħda kritika wara li f’Lulju li għadda kien involut f’inċident b’sikkina f’dar fis-Swieqi fejn allegatament ipprova jweġġa’ lilu nniffsu.
Fil-bidu tas-seduta Arnaud spjega li recording partikolari li se jinstema’ jdum 49 minuta u hemm ieħor li bejn wieħed u ieħor tal-istess ħin. Dawn huma recordings sigrieti li Theuma l-intermedjarju fil-qtil kien ħa qabel ma ġie arrestat f’Novembru 2019.
Fis-smigħ tar-recordings jinstema’ ħafna storbju: karozzi, mużika u ħsejjes ta’ passi fl-isfond. Theuma jinstema’ jitkellem ma’ Johann Cremona. Il-Qorti ordnat li ismijiet ta’ persuni li jinstemgħu fir-recordings u li m’għandhom x’jaqsmu mal-każ ma jiġux ippubblikati bl-ebda mod. Jinstema’ wkoll fir-recordings xi kliem ħażin li jikkonsisti f’dagħa.
Theuma qal li kien jibblaffja ħafna biex juri li kellu l-poter bħal Johann Cremona u Yorgen Fenech. Peress li ried informazzjoni dwar il-Kummissarju.
Theuma jinstema’ jitkellem ma’ persuna oħra li qallu li “Yorgen tani €20,000 għal aħwa Degiorgio”. Theuma qal li kien jitfa’ lil Keith Schembri fl-istess keffa magħhom, imma ma jistax jgħid li hu jew kien ċert minn dan, imma dejjem hekk emmen. Tenna li Yorgen Fenech qatt ma’ qallu li Keith Schembri kien imdaħħal miegħu fil-każ.
“Jien Yorgen Fenech u Johann Cremona konna nitkellmu ħafna bejnietna” qal ix-xhud. Fenech qal lil Theuma li messu jibda jafda fih. Qal li ma kienx jafdahom għax ħass li kienu qed jittraduh.
“Le qatlu lil Caruana Galizia, issa jmiss li joqtlu lili’
Arnaud staqsa, “Min kien qed jittradik?” “Yorgen Fenech u Keith Schembri. Imma bil-ġurament ma nistax naħlef, kont ngħid bejni u bejn ruħi le qatlu lil Daphne Caruana Galizia, issa jmiss li joqtlu lili.”
Waqt li kien qed jispjega fuq ir-recording, Theuma qal li huwa jemmen li t-telefon tiegħu kien qed jiġi tteppjat fuq struzzjonijiet ta’ Yorgen Fenech u Keith Schembri.
Theuma qal li kien staqsa għaliex Fenech kellu jieqaf jgħaddi l-flus lil aħwa Degiorgio meta fadal biss tmien xhur biex jgħaddu ġuri. Theuma iċċara li huwa beda jagħmel ir-recordings meta kien hemm rapporti tal-midja dwar maħfra presidenzjali potenzjali li kellha tingħata wara li t-tliet allegati qattielha ġew arrestati f’Diċembru 2017. Tenna li tant beża, li mar ukoll jagħmel testment jumejn wara li saru l-arresti.
Qal li huwa kien ta €6,500 tahom lil Mario Degiorgio, ħu George u Alfred Degiorgio minn butu u ħareġ €5,000 biex iġib kelba lil Mario Degiorgio li wkoll ħareġ minn butu. Waħda mir-raġunijiet li għamel hekk kien għax beda jibża li jikxfuh.
Fir-recording issemma palazz fl-Imdina li Fenech kien interessat li jixtri. Il-konversazzjoni fir-recording bejn Johann Cremona u Theuma tidher li hija pjuttost animata.
Kompla jisemma wkoll l-eks uffiċjal tas-sigurtà tal-OPM Kenneth Camilleri. Theuma jinstema’ jgħid li ħallas €6,500 minn butu lil Mario Degiorgio biex ukoll ma jdejjaqx lil Yorgen Fenech.
Johann Cremona jinstema’ jgħid lil Theuma: “is-saħħa tagħna huma l-flus”. Theuma jgħid li x-xhieda ta’ Vince Muscat hija prova ta’ kemm hu kien wara li tkellem dwar il-flus li huwa kien għadda lill-qattiela.
Jgħid li talab lil Cremona biex jgħidlu min kien se jibgħatlu lil Kenneth Camilleri. Kien Keith Schembri? Huwa qal li meta Kenneth Camilleri mar bil-wegħda ta’ miljun ewro u pleġġ, huwa kien qed jemmen li kien intbagħat minn Keith Schembri.
Fir-recording, Cremona u Theuma jinsrtemgħu jiddiskutu kwistjonijiet ta’ flus u għal darb’oħra nstemgħet referenza għal €20,000 u oħra fuq l-FIAU. Cremona qallu li l-FIAU trid issir taf dwaru, “iżda mhix relatata mal-każ l-ieħor” (il-qtil).
Jagħtu karta lil Melvin bil-postijiet fejn kienu se jsiru r-raids
Fir-recording jinstema wkoll li lil Melvin se jagħtuh karta bil-postijiet fejn se jagħmlu raids, karta bil-mistoqsijiet li se jagħmlulu u jekk ma togħġbux xi mistoqsija jaqtgħaha.
Theuma qal li mid-domandi li qal li se jagħmlulu ma wasal xejn. Lanqas tal-postijiet ma’ qalulu. Qal li Yorgen kien filgħodu jgħidlu mod u filgħaxija jgħidlu mod ieħor.
Kienu qalulu li tant kemm kien se jeħlisha li l-Pulizija lanqas biss għandhom fajl dwar Melvin Theuma. Kien assigurah Cremona. Huwa qal lil Theuma biex ma jinkwetax u li kien se jakkumpanjah għand il-pulizija. Theuma jinstema’ jgħid li Yorgen Fenech kien waqaf jgħaddi l-flus lil aħwa Degiorgio fl-“agħar żmien possibbli”, bil-proċess dejjem riesaq fil-viċin.
Theuma qal li kien qed jirċievi messaġġi mħallta, filwaqt li Yorgen Fenech kien jassigurah li mhux se jiġi arrestat Cremona kien jgħidlu mod ieħor. Theuma esprima l-frustrazzjoni tiegħu dwar il-fatt li ma ngħatax l-informazzjoni mwiegħda minn Fenech.
“Meta ġejt arrestat, Yorgen kien fuq id-dgħajsa tiegħu!” Theuma qal li Cremona kien għamillu ukoll ħafna wegħdiet, fosthom li jingħata l-ismijiet ta’ postijiet fejn se jsiru r-rejds, id-dati, il-mistoqsijiet li għandhom isiru eċċ.
Wegħduh ukoll li ċerti mistoqsijiet jistgħu saħansitra jinbidlu jekk ma jkunux għall-gost tiegħu. Li kien se jakkumpanjah ukoll mal-pulizija. Imma xejn. Il-wegħdiet kollha kienu vojta, qal Theuma.
Fir-recording jinstema Johann Cremona jgħid lil Theuma li “s’issa m’hemm xejn, li hemm biss fuqek huwa rapport tal-FIAU… Ara se jgħidlek inti għandhek total ta’ €300,000 trid tgħidilna minn fejn ġibthom.”
Ballun tal-futbol
Melvin Theuma qal li hu kien qiedu ballun tal-futbol waqt partita, ballun tiela’ u nieżel. Ix-xhud qal li nies bħal Johann u Yorgen kienu qed jilagħbu bih. Melvin qal li minn dak kollu li kien jgħidlu Johann li kien se jiġri u ma jiġrix inkluż karta fuq self ta’ flus, ma ġara xejn.
Sadanittant il-Qorti bediet titlef il-paċenzja fuq kummenti li bdew jingħaddu mill-avujkati, u wissiet biex f’każ li jkun hemm aktar kummenti li jfixxklu l-Qorti waqt li qed tisma lix-xhud, se tkeċċi lill-persuna jew avukat mill-awla u tagħti kull piena oħra għal disprezz tal-Qorti. Hawn l-avukat Charles Mercieca għadda kumment ieħor u l-Qorti weħħlitu €50.
Cremona fir-recording jinstema’ jagħmel referenza għal avukat li jaħdem fil-kriminal Arthur Azzopardi, li, allegatament kien qed jagħmel il-ħsara lil Melvin Theuma.
Azzopardi kien qed jipprova jikkonvinċi lil Vince Muscat il-Koħħu biex jistqarr fuq l-involviment ta’ Theuma u Cremona, li wkoll qalu lil l-istess Theuma, li Azzopardi kien ta l-flus lil Muscat bies isir il-qtil. Dan kollu qalulu Johann, qal ix-xhud.
Arnaud staqs lil Theuma dwar parti mir-recording fejn Cremona qal li seba’ xhur qabel, l-aħwa Degiorgio ippruvaw jagħmlu xi ħaġa iżda ma rnexxielhomx u Yorgen kien beżgħan .
Dan dwar xhiex kien?, staqsa s-Supretendent. “M’inix ċert,” qal Theuma. Huwa jemmen li kienet xi ħaġa li għandha x’taqsam mal-aħwa Degiorgio li ppruvaw ikellmu lill-Membru Parlamentari Ewropew Nazzjonalista David Casa. Fenech u Cremona kienu qal lil Theuma li Schembri kien qal li saru arranġamenti “ma ‘kulħadd”.
€5,000 għal mistoqsijiet tal-pulizija
Fir-recording kien hemm xi suġġeriment dwar “tkellem lill-kummissarju tal-pulizija”. Theuma ssuġġerixxa li jħallas lis-Supretenent Raymond Aquilina €5,000 u jixtrulu wkoll karozza bi skambju li jingħataw il-mistoqsijiet tal-pulizija bil-quddiem. “Imma qatt ma rriżulta xejn minn dan. Qatt ma ltqajt ma ‘Raymond,” iċċara Theuma.
It-tir tal-aħwa Degiorgio kien li jsibu żball u joħorġu liberati
Ix-xhud kompla jgħid li Johann kien qallu li min-naħa ta’ Keith Schembri m’għandux biża. Saħaq li r-risposti kien iġibhomlu Kenneth lil Johann però kien jgħidlu li kien iġibhom mingħand Keith. Fir-recording Melvin jgħid li t-tir tal-aħwa Degiorgio dejjem kien li jsibu żball il-Qorti u joħorġu lliberati.
Melvin qal li lil Edwin il-Ġojja kien qallu darba biss li hu jitkellem ma’ Johann. Qal li Johann beda jgħidlu biex imur ikellem lil Edwin biex jara li Johann qed imexxih fit-triq it-tajba, iżda Melvin qal li lil Edwin ma marx ikellmu.
Melvin Theuma fir-recording qal li lil Johann li jekk Yorgen Fenech u Keith Schembri ma jitraduhx, hu kien se jeħlisha. Dwar episodju li seħħ seba’ xhur qabel dan ir-recording, Johann qal lil Melvin li seba’ xhur qabel kien tela’ biex jixhed il-Koħħu u l-Qorti ma kkalkulatux.
Melvin qal li kien hawm li Johann beda jsemmi li kien hemm Maġistrat li ħa l-flus, ħa l-flus Keith Arnaud u oħrajn ukoll. Pero ma ssemmewx ismijiet f’din il-konversazzjoni.
Theuma qal li Cremona darba ftaħar li hu kellu saħħa aktar mill-Kummissarju tal-Pulizija, u qallu li l-Kummissarju kien fuq in-naħa tiegħu. Theuma qal ukoll li huwa vvinta zstorja li kien ta €15,000 lill-Kummissarju tal-Pulizija Lawrence Cutajar.
“Mhux minnu. Ivvintajt l-istorja li sieħbi Edwin Brincat kien ta lil Cutajar €15,000.” Fir-recording Cremona qal li ‘il-bieraħ il-Kummissarju talab favur. Theuma issa qal li dan huwa kollu blaff.
Nuqqas ta’ konsistenza
Meta kien ippressat aktar, wara li kompla jinsisti li huwa gideb fuq il-ħlas. Il-Maġistrat staqsietu għaliex ivvinta dan kollu. “Għamilt hekk għax kont għaddej minn ħafna dak iż-żmien, moħħi ma kienx sew.” Il-Qorti qaltlu li la kien qed ikun konsistenti u lanqas konvinċenti.
Theuma spjega li l-kuntest għall-gidba tiegħu kien li kien qed jiddubita jekk Cremona kienx qed jgħidlu l-verità. Huwa kien ibiddel il-verżjonijiet dwar ir-rejds u l-arresti – u jgħidlu li fil-garaxx tiegħu biss kien se jsir rejd u mbagħad jgħidlu li l-post tas-sieħba tiegħu se jkun ukoll irrejdjat. “X’nista ‘nagħmel, Maġistrat? M’għandix ngħidlek il-verità llum?”
Hawn Theuma kien mitlub joħroġ mill-awla peress d-difiża għandha xi ħaġa li trid tgħid. Charles Merceica, wieħed mill-avukati ta’ Fenech, qal li x-xhieda ta’ Theuma hija “mimlija inkonsistenzi”. Waqt li jelenka bosta ineżattezzi, huwa jgħid li x-xhud qed jixhed “taħt termini stretti ta ‘maħfra” u qed “jaqbeż il-linja”.
L-Avukat Mercieca semma diversi konsistenzi, li jinkludu x-xhieda passata ta’ Theuma, li huwa rrekkordja biss konverżazzjonijiet ma’ Fenech u Cremona. Dan meta fil-fatt hemm recordings ma’ Mario Degiorgio.
Arnaud jirribatti, billi qal li mhux sew li jisħaq fuq din ix-xhieda u jgħid li mhux konsistenti. “Tieħu biss parti żgħira minn storja u tgħid li x-xhud huwa konsistenti mhuwiex sew.
Il-Maġistrat qal li d-difiża għandha dritt li tirreġistra oġġezzjoni, anke jekk il-Prosekuzzjoni ma taqbilx. “Dan huwa kapitlu magħluqa, qalet il-Maġistrat.
Fir-recording, Mario Degiorgio jinstema’ jitkellem ħażin lejn “dak Arthur”, li jgħid li qed jaħdem kontra ħutu. Huwa staqsa lil Theuma jekk il-Prim Ministru hux se jixhed u x’se jgħid:
“Jekk iva, dan ifisser li l-Prim Ministru kien jaf bih u jinkrimina lilu nnifsu. Li kien fiha ukoll – it-tqegħid tal-bomba u dak kollu marbut magħha.” Hija “xibka mħabbla”, wieġeb Theuma.
Fir-recording, Mario Degiorgio jinstema’ jgħid ukoll: “Arthur se jipproduċi l-Prim Ministru, il-Kummissarju u Keith Schembri biex jixhdu kontrihom … Arthur irid xi ħaġa mill-Prim Ministru. Irid xi ħatra jew xi ħaġa sabiex ikun jista’ jgħattilhom u jwaħħal kollox fuq ħuti “
Mario jgħid ukoll fir-recording li l-qattiela riedu €20,000 kull wieħed. Dan ġej minn George Degiorgio. George kien staqsa wkoll lil Mario dwar flus għall-libertà proviżorja.
U jinstema ‘jgħid li’ t-Taljani ‘kienu lesti li jiġu Malta biex jixhdu favur tagħhom. “L-uniku inkwiet huwa dak Arthur,” jinstema ‘jgħid Mario Degiorgio. It-tejp hawn jintemm.
Theuma spjega li r-recording sar fil-karozza tiegħu u qal li ma kienx qal lill-pulizija li hu ħa lura lil Mario Degiorgio, għax “nesa”. Huma kienu jiltaqgħu tliet darbiet fil-ġimgħa, imma dan kien l-uniku recording, huwa jaħseb.
Fir-recording Theuma nstema’ jgħid ukoll. “Issa għandi nformazzjoni li l-unika persuna li jista’ jgħaddi mill-ventilatur huwa Il-Koħħu.” Qal li dan id-diskors kienu qalulu Mario Degiorgio, ħu l-aħwa Degiorgio.
Yorgen Fenech, in-negozjant ta’ 39 sena li sa qabel l-arrest tiegħu kien jgħix Portomaso, f’San Ġiljan kien tressaq il-Qorti b’rabta mal-allegat konnessjoni tiegħu f’dan l-omiċidju fit-30 ta’ Novembru, 2019 u qed iwieġeb mhux ħati tal-akkużi miġjuba kontrih.
Huwa qed jiffaċċa ħames akkużi, li ppromova, organiżża għaqda bil-ħsieb li jwettqu reati kriminali, li pparteċipa b’modd attiv fiha, li rrenda ruħu kompliċi ma’ terzi fl-qtil, li assoċja ruħu ma’ persuni bil-għan li jagħmel delitt li sar kompliċi fil-qtil permezz ta’ sustanza splussiva li qatlet lill-ġurnalista u li setgħet tiqgħed il-ħajja ta’ ħaddieħor f’periklu ċar.
Għal Yorgen Fenech qegħdin jidhru l-Avukati Charles Mercieca, Gianluca Caruana Curran u Marion Camilleri. Il-Prosekuzzjoni qed titmexxa mis-Supretendent Keith Arnaud u l-Ispettur Kurt Zahra li huma assistiti mill-Avukat Philip Galea Farrugia mill-uffiċċju tal-Avukat Ġenerali. L-Avukati Jason Azzopardi u Therese Comodini Cachia qegħdin jidhru għall-familja Caruana Galizia. Il-kumpilazzjoni se tkompli nhar il-Ħamis 25 ta’ Marzu u fil-5 u fit-8 ta’ April kollha mill-10.00am. sas-2.00pm.
