224 persuna ittestjaw pożittiv għall-Coronavirus fl-aħħar 24 siegħa. Fl-istess żmien 358 persuna kienu dikjarati mfejqa mill-virus.
Sfortunatament 3 persuni tilfu ħajjithom fl-aħħar sigħat biex in-numru ta’ vittmi issa qabeż it-370, preċiżament 372. Dawn huma raġel ta’ 78 sena u mara ta’ 94 sena li mietu fl-Isptar Mater Dei u raġel ta’ 71 sena li miet fl-Isptar Ġenerali t’Għawdex. Għaldaqstant, il-każi attivi bħalissa huma 2,736.
Sadanittant 143,169 persuna tlaqqmu sa issa b’43’919 tlaqqmu b’mod sħiħ wara li ngħataw it-tieni doża tal-vaċċin.
