“Dan it-trofew mhuwiex tiegħi, imma niddedikah lill-mużiċisti kollegi tiegħi li kellhom jieqfu jaħdmu minħabba l-pandemija … u niddedikah lil kull min iħobb il-mużika Maltija”.
Hekk iddikjara Glen Vella l-ewwel rebbieħ tal-konkors ‘Mużika Mużika’, li ġie fi tmiemu s-Sibt filgħaxija wara tliet ijiem ta’ kompetizzjoni.
Glen Vella rebaħ il-konkors bil-kanzunetta ‘Ħarsa Biss’ ….b’mużika ta’ Philip Vella u Lirika ta’ Joe Julian Farrugia. Filwaqt li rringrazja lill-Kap tal-oppożizzjoni talli ċempillu biex jawguralu għas-suċċess riċenti tiegħu.
