Raġel bil-viizju tad-droga rringrazzja lil Maġistrat talli tah sentenza ta’ sentejn ħabs minħabba li jittama li din il-piena tgħinu jegħleb 10 snin ta’ vizzju.
Leandross Cutajar ta ’36 sena minn Marsaskala ammetta li pprova jisraq għodda minn sit ta’ kostruzzjoni, u li huwa naqas milli jwettaq is-serqa b’kumbinazzjoni.
Cutajar argumenta li huwa kien sab ruħu biss quddiem il-qorti minħabba problema tad-droga li farrkitu. Il-Maġistrat Ian Farrugia, li kien qed jippresiedi l-każ, iddeċieda li jisimgħu minkejja li qabel kien hu li ddefenda lil Cutajar iktar minn 1o snin ilu meta kien għadu avukat.
Hekk kif ħares lejn ir-rekord kriminali “inkredibbli” tal-akkużat, il-Maġistrat sejjaħ il-prosekuzzjoni u d-difiża għal fuq is-sedja tiegħu qabel ma ddeċieda li jgħaddi għas-sentenza.
Meta kkundanna lil Cutajar għal sentejn ħabs effettivi, il-Maġistrat Farrugia ħeġġeġ lill-akkużat biex jinforma lill-uffiċjali tal-Faċilità Korrettiva ta’ Kordin li kellu problema serja ta’ droga u li jitolb biex jitpoġġa fuq programm ta’ rijabilitazzjoni. Malli ġie skortat barra, Cutajar irringrazzja lill-Maġistrat u qal li se jaħdem qatiegħ biex jegħleb il-vizzju tiegħu.
