Raġel ta’ 38 sena residenti Ħal Qormi jinsab rikoverat l-Isptar Mater Dei wara li weġġa’ f’inċident tat-traffiku fi Triq Birżebbuġa,
Birżebbuġa aktar kmieni llum.
Il-Pulizija ssejħet fil-post ftit wara l-5.00pm u mill-investigazzjonijiet preliminari rriżulta li seħħet ħabta bejn Fiat Punto, misjuqa minn
raġel ta’ 82 sena residenti Ta’ Xbiex, u mutur Yamaha GDP125, misjuq mill-vittma.
Aktar tard, ir-raġel ta’ 38 sena ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
