Raġel ta’ 43 sena mir-Rabat Għawdex sofra feriti gravi wara li waqa’ minn għoli ta’ madwar tliet metri minn fuq siġra fir-residenza fi Triq is-Sannat. L-inċident seħħ għall-ħabta tas-1.15pm.
Fil-post, ir-raġel ingħata l-ewwel għajnuna minn tim mediku, li ħadu l-Isptar Ġenerali ta’ Għawdex. Hemm, hu kien iċċertifikat li qed isofri minn feriti gravi.
Aktar investigazzjoni tal-Pulizija għadhom għaddejjin.
