L-Għaqda Bdiewa Attivi tinsab imħassba bir-rikjesta prinċipali li huma nfurmati li qed tagħmel l-Assoċċjazzjoni tal-Pitkala fin-negożjati li għaddejin bħalissa bejn l-istess Assoċċjazzjoni u l-Gvern.
Fil-passat kien ikun hemm każijiet fejn il-bdiewa kienu jdumu ħafna ma jitħallsu mill-Pitkala għall-prodotti tagħhom u allura l-Gvern kien ħaseb biex jissalvagwardja l-interess tal-bdiewa billi jitlob lill-Pitkala garanżija bankarja li tkun tista’ tagħmel tajjeb f’dawn iċ-ċirkustanzi. Dan it-tibdil fisser li liċenzja ta’ Pitkal tingħata biss jekk titħallas din il-garanzija.
Il-Pitkala issa jridu li din il-garanzija ma titħallasx aktar u allura jerġa jinfetaħ il-bieb għal dewmien fil-ħlas tal-bdiewa. Dan huwa inaċċettabli għal l-Għaqda Bdiewa Attivi.
L-Għaqda Bdiewa Attivi qalu li “L-ispejjeż u r-riskji tal-produzzjoni tal-ħxejjex u frott huma kbar ħafna u, speċjalment fid-dawl ta’ sfidi kbar oħra bħal kompetizzjoni ma’ prodott impurtat, spejjeż dejjem jogħlew u sfidi fir-riżorsi disponibbli għal produtturi ifisser li nċertezzi fil-ħlas tal-prodotti ikun jammonta għal rigress sinjifikanti fil-pożizzjoni tal-bdiewa” biex ikomplu jkabbru l-ikel għal popolazzoni Matija u jieħdu ħsieb l-ambjent rurali tagħhom.
Huwa għalhekk li l-Għaqda Bdiewa Attivi permezz ta’ stqarrija tenniet li l-bidwi għandu jibqa kopert b’sistema li tassigura li l-bidwi jitħallas għal prodotti tiegħu bla dewmien wara xhur sħaħ ta’ stennija, tbatija, riskji u għaqal biex iwassal dawn l-istess prodotti fuq l-imwejjed tagħna lkoll.
