Raġel Kuban ta’ 31 sena li kien ġie kkundannat erba’ snin ħabs fuq hold-up b’sikkina minn stationery f’Paceville fis-sajf tal-2015 fejn huwa kien nefaq il-flus kollha li seraq f’casino ġewwa Buġibba ġie lliberat mill-Qorti tal-Appell li fera priġunier ieħor fil-Faċilità Korrettiva ta’ Kordin.
Eliseo Carrillo Montoro li għandu Karta l-Identità Taljan kien ġie kundannat xahar ħabs mill-Qorti tal-Maġistrati iżda ġie lliberat wara li nstema’ appell mill-Imħallef Giovanni Grixti.
Fuq il-hold up huwa kien ammetta li seraq €2,515 minn Eros Stationery u li hedded b’sikkina lil sid il-ħanut. Meta kkommetta s-serqa Montoro lanqas kien ilu biss 24 siegħa f’Malta wara li kien għadu ġej mill-Italja.
L-inċident fil-ħabs kien seħħ fit-8 ta’ Novembru 2017 għall-ħabta tal-11.30am. li kkawża ħsara żgħira fuq il-persuna ta’ Emmanuel Makuochukwu Eliseo.
Wara li semgħet is-sottomissjonijiet tal-partijiet il-Qorti nnutat li r-raġuni ewlenija tal-appell hija li l-Qorti tal-Maġistrati għamlet valutazzjoni ħażina tal-fatti.
L-ewwel Qorti tat importanza kbira ħafna għaċ-ċertifikat iffirmat mit-tabib Makta liema ċertifikat ma kien qatt ikkonfermat bil-ġurament. M’hemm l-ebda evidenza konklużiva li kien l-appellant li kkawża l-ġrieħi ħfief. Emanuel Makuochukwu seta’ kkawża l-ġrieħi tiegħu stess u li hu pprova jinfluwenza lill-Gwardjan Noel Mifsud Bonnici kontra l-akkużat li ma kien għamel xejn.
Montoro kien qal li l-Qorti messha sabet il -verżjoni tiegħu aktar kredibbli minn dik ta’ Makuochukwu. Il-fatt li l-appellant ma sofra l-ebda ġrieħi ma tiffisirx li huwa kien responsabbli għall-ġrieħi li sofra Makuochukwu.
Kien hemm tliet priġunieri oħra li setgħu ġew prodotti bħala xhieda partikolarment dwar il-mod kif il-ġlieda kienet bdiet. Għalhekk il-Prosekuzzjoni naqset milli tipproduċi -aħjar evidenza disponibbli. Il-verżjoni tal-avvenimenti ta’ Makuochukwu, li dawn seħħew ġewwa ċ-ċella ta’ Makuochuwu – huma kontradetta mix-xhieda tax-xhieda l-oħra li qalu li l-inċident seħħ fiż-żona komuni.
Hemm ukoll kunflitt fuq il-verżjoni tal-ġrajjiet bejn dawk ta’ Makuochukwu, affermazzjoni li l-ikel kollu u xugaman li kellu f’idu waqgħu mal-art filwaqt li l-uffiċjali tal-għassa ma raw xejn bħal dan iseħħ.
Il-verżjoni t-tajba kienet li meta Makuochukwu qal li kien intlaqat minn flixkun tal-ilma, li ġara kien li meta l-akkużat resaq lejn it-tielet mejda fiż-żona komuni, Makuochukwu ħalla ċ-ċella u imbotta lill-akkużat, li aġixxa billi ddefenda ilu nnifsu.
Makuochukwu kien aggressiv ukoll xhud. Il-Qorti lanqas ma qieset l-akbar saħħa fiżika ta’ Makuochukwu kontra l-qafas eħfef tal-akkużat. Il-Qorti tal-Appell qalet li jeżistu wisq ċirkostanzi, fosthom in-nuqqas ta’ ċertifikat mediku, biex tikkonkludi li l-allegat vittma sofra ħsara fuq il-ġisem kienet se tilqa’ l-appell tal-akkużat. Għaldaqstant il-Qorti revokat is-sentenza tal-Ewwel Qorti, u sabet lill-akkużat mhux ħati u teħilsu mill-akkuża.
.
