Mara Filippina ta’ 25 sena residenti l-Fgura sfat misruqa tard ilbieraħ filgħaxija fil-Fgura stess.
L-inċident seħħ għall-ħabta tal-11p.m. fi Triq il-Karmnu. Waqt li l-mara kienet miexja fl-imsemmija triq, raġel liebes hoodie u allegatament armat b’arma li taqta’ u bil-ponta, resaq fuq il-mara u talab xi flus.
Ir-raġel ħarab minn fuq il-post b’ammont ta’ flus kontanti. Ħadd ma weġġa’ fl-inċident.
Il-Pulizija tad-Distrett qed tinvestiga l-każ.
