Marlon Zarb ta’ 32 sena minn San Pawl il-Baħar ġie mixli bl-attentat ta’ qtil ta’ Bradley Carabott. Zarb tressaq quddiem il-Maġistrat Yana Micallef Stafrace akkużat li nhar it-Tnejn filgħaxija fil-Marsa kkawża ġrieħi gravi u ġarr arma mingħajr liċenzja tal-pulizija.
L-akkużat, li qal lill-qorti li huwa dealer tal-karozzi, wieġeb mhux ħati tal- akkużi li kienu jinkludu ksur ta’ sentenza sospiża u tfixkil tal-paċi pubblika. L-Ispettur Andy Rotin qal lill-maġistrat kif fit-12 ta’ April il-pulizija rċevew rapport ta’ inċident fil-Marsa.
Fil-post, l-uffiċjali sabu lil Carabott midrub serjament, huwa qal, u żied li r-raġel kien jinsab fil-periklu tal-mewt. Huwa qal lill-pulizija li huwa kien ġie midrub minn Marlon Zarb.
L-Avukat Franco Debono talab lill-Ispettur biex jikkonferma jekk Zarb tagħax ruħu b’idejh minn jeddu. L-Ispettur wieġeb fl-affermattiv u tenna li l-arma użata ma nstabitx.
Iż-żewġt irġiel kienu ħbieb, spjega Rotin. Skond il-vittma, hu u l-akkużat kienu jorqdu taħt l-istess saqaf u li kien jgħinu billi jsellfu l-flus. Il-Qorti semgħet li kien argument fuq self mhux imħallas li qajjem l-inċident.
Kien hemm diffikultà biex jiġi aċċertat il-post ta’ residenza tal-akkużat, qalet il-qorti. Id-difiża qalet li kieku l-qorti kellha tagħti l-libertà proviżorja kien se jmur jgħix Bormla.
Huwa talab il-ħatra ta’ espert biex jeżamina l-akkużat medikament. Intalab il-ħelsien mill-arrest iżda t-talba ġiet miċħuda minħabba biżgħa relatata mal-affidabbiltà tal-akkużat.
