Raġel b’rekord kriminali twil inżamm taħt arrest preventiv wara li qed jiġi mplikat li jagħmel parti f’konfoffa biex jimporta diversi kilo kokaina u eroina.
Terence Cini, ta’ 35 sena minn Ħal Qormi li tressaq quddiem il-maġistrat Astrid May Grima, akkużat b’konfoffa biex jimporta kokaina u eroina, kompliċità fl-importazzjoni ta’ drogi illeċiti, importa kokaina u eroina, li wkoll li jforni l-istess droga u li din kienet fil-pusses tiegħu f’ċirkostanzi li jindikaw li ma kinitx esklussivament għall-użu personali tiegħu.
Fi ftit tal-jiem oħra Cini se jkollu jiffaċċa kumpilazzjoni oħra mal-ħafna li għadda minnhom u li għad għandu pendenti. Huwa qed jiġi mixli li kiser mhux anqas minn erbaż digrieti separati tal-pleġġ.
Huwa qed jiġi akkużat ukoll li sar reċediv. L-Ispetturi Steven-Ryan Micallef u Justine Grech spjegaw kif il-pulizija kienu aġixxew il-Ġimgħa wara nofsinhar fuq tip-off kunfidenzjali dwar ftehim tad-droga.
Il-pulizija kienet ħadet dikjarazzjoni minn informatur, u li aktar tard dan kkonfermah taħt ġurament, li l-akkużat kien assoċja ruħu ma’ persuni oħra biex jimportaw id-droga.
Cini huwa mifhum li qabbad lill-informatur biex jaħdem għalih billi jimporta d-droga u jbigħha waqt li Cini kien il-ħabs. Din il-persuna kienet inqabdet fil-pussess ta’ 2.5kg ta’ kokaina u 250g eroina, u li wara ddeċida li jikkollabora mal-pulizija.
Huwa kien ta stqarrija li kkonferma taħt ġurament f’Settembru li għadda, li fiha implikat lill-akkużat. Cini kien l-aħħar fl-aħbarijiet f’Awwissu wara li ġie akkużat, flimkien mat-tfajla tiegħu Amanda Farrugia, b’ħasil ta’ €1 miljun.
Qabel dan, huwa kien irċieva sentenza sospiża fl-2011 talli hedded raġel bi pistola mingħajr liċenzja. Huwa kien ukoll il-ħabs għal 16-il xahar fl-2013 wara li nstab ħati ta’ kokaina u pussess ta’ eroina. Il-qorti żammet lil Cini taħt arrest preventiv. L-avukati Franco Debono, Marion Camilleri u Francesca Zarb kienu l-avukati difensuri.
//= $special ?>