Frederick Dalli ta’ 38 sena mill-Marsa nżamm arrestat wara li ġie mixli b’pussess ta’ kokaina u eroina f’ċirkostanzi li jindikaw li ma kinux għall-użu personali tiegħu, u dan ir-reat allegatament seħħ ħdejn post fejn jiltaqgħu ż-żgħażagħ.
Dalli kien akkużat ukoll li kiser xejn inqas minn ħames digrieti separati ta’ pleġġ. L-ammont totali ta’ sigurtà mwiegħda għad-diversi garanziji tiegħu jlaħaq €38,000 u jekk jinstab ħati jrid iroddhom lura lill-Gvern. L-akkużat wieġeb mhux ħati u nżamm taħt arrest preventiv. Ma saritx talba għall-ħelsien mill-arrest. Għal Dalli dehru l-avukati Amanda Spiteri Grech u Mario Mifsud. L-Ispetturi Marshall Mallia u Steven Ryan Micallef mexxew il-Prosekuzzjoni.
