L-Assoċjazzjoni tat-Turiżmu f’Għawdex (GTA) qed tappella lill-Gvern sabiex ineħħi r-restrizzjoni fuq l-ivjaġġar bejn iż-żewġ gzejjer. Dan sabiex l-ekonomija Għawdxija tibda tirpilja bil-mod il-mod.
Fi stqarrija, il-GTA qalet li l-operaturi Għawdxin jixtiequ data eżatta dwar meta se jitneħħew dawn ir-restrizzjonijiet għal min jaqsam lejn Għawdex. Il-GTA qed tgħid li dan se jgħin mhux ftit biex jibda jirpilja t-turiżmu domestiku, speċjalment fejn jidħlu ix-short breaks.
“Jekk ikollna data inkunu nistgħu nibdew nippreparaw”, qalet il-GTA.
Fl-istqarrija, isir ukoll appell biex il-ħaddiema fl-industirja tal-ospitalità jitlaqqmu kollha kemm jista’ jkun malajr.
