Eluf ta’dollari fi tranżazzjonijiet kienu saru minn Keith Schembri lil Vince Buhagiar, eks Direttur tal-Allied Group u meta mistoqsi dwar mill-Pulizija l-istess Buhagiar kien qal li dawn jirrigwardjaw konsulenzi, kienu speżi ta’ gentleman’s agremment. Buhagiar kien irċieva ‘l fuq minn $134,000,’ il fuq minn $ 105,000 u € 50,000 minn kont f’bank f’Ġibiltà. Sadaniitant kien hemm ukoll email minn Keith Schembri biex lil hekk imsejjaħ ‘VB’ jgħaddulu $35,000.
Dan ħareġ mix-xhieda tal-Ispettur Ian Camilleri li kien qed jixhed fil-kumpilazzjoni ta’ Vince Buhagiar akkużat bi frodi u ħasil ta’ flus. L-Ispettur Camilleri qal li kien staqsa lill-akkużat dwar flus trasferiti fil-kont tal-MFSP tiegħu u dwar il-konsulenzi, imma r-risposta dejjem kienet li kien hemm ‘gentelman’s agreement. Ħareġ ukoll li l-akkużat kellu numru tal-VAT u li iżda huwa qatt ma uża.
Ix-xhud qal li Buhagiar kien kapaċi jispjega t-tranżazzjonijiet kollha li kien mistoqsi dwarhom, ħlief minn ħlasijiet li joriġinaw minn Malmos Ltd. Huwa kien qal ukoll lill-pulizija li dawn kienu bħala riżultat ta’ ftehim ta’ ‘gentleman agreement’ rigward konsulenza li kien ta lil Keith Schembri, li jfisser li ma kien isir xejn bil-miktub, kif lanqas kuntratt tax-xogħol tiegħu bil-miktub mat-Times qatt ma kellu.
L-Ispettur Camilleri xehed dwar l-Operazzjoni NH, li wasslet għal diversi arresti, inkluż dak ta’ Buhagiar. Huwa qal li ġie assenjat mat-tim li qed jinvestiga l-konklużjonijiet tal-inkjesta tal-Maġistrat Josette Demicoli. Camilleri qal li kien tkellem ma’ Buhagiar wara l-arrest tiegħu d-dar fis-7 ta’ Marzu 2021.
Saħaq li Buhagiar ma setax jispjega l-pagamenti li joriġinaw minn Malmos Ltd, kumpanija bbażata f’Ġibiltà li hija proprjetà ta’ Keith Schembri. Xehed dwar diversi trasferimenti ta’ mijiet ta’ eluf ġew trasferiti minn JYSK Bank f’Ġibiltà. Buhagiar hawn ukoll ma setax jispjega kemm tħallas għal kull proġett.
Camilleri qal li kien preżenti wkoll għat-tieni sqarrija minn Buhagiar, li fiha ppreżenta dokumentazzjoni li tiġġustifika dwar il-bejgħ ta ’propjetà u oħrajn relatati mal-wirt. Buhagiar kien qal li hu qatt ma uża n-numru tal-VAT tiegħu għax Kasco qatt ma talab il-fatturi. Huwa qal lill-pulizija li hu qatt ma tħallas fi flus kontanti.
Wara xehed Matthew Naudi minn Allied Newspapers li huwa l-Kap tar-Riżorsi Umani fi ħdan il-kumpanija. Huwa ġie mitlub għal aktar informazzjoni dwar l-impjieg ta’ Vincent Buhagiar. Ix-xhud qal li Buhagiar beda fl-1966 u sar direttur fis-snin disgħin, fl-2003 inħatar chairman tal-Progress Press.
Huwa rtira mill-Allied, fejn kien president, fl-2007 iżda baqa’ konsulent ta’ Progress Press. M’hemm l-ebda kuntratt ta’ xogħol fl-ebda rwoli tiegħu, jgħid ix-xhud. Lanqas ma kien hemm ftehim fuq konsulenza.
Naudi qal li l-impjieg ta’ Buhagiar kien regolat permezz ta’ ‘invoices’ u possibilment li dawn joħorġu mill-minuti tal-laqgħat tal-bord. Ix-xhud spjega li l-impjegati huma impjegati ma’ Allied Newspapers jew inkella Progress press. L-avukat tal-parte civile Joe Giglio talab lix-xhud biex jiddeskrivi r-rwoli tal-kumpaniji. Naudi qal li Progress Press hija l-fergħa tal-istampar, Allied hija l-fergħa tal-pubblikazzjoni. Huwa qal: “Hemm żewġ bordijiet, wieħed għall-Allied u ieħor għall-Progress.”
Giglio jistaqsi fejn huma rreġistrati l-appuntamenti. Naudi jgħid li bħala maniġer tal-HR, ma kienx fuq il-bord. Huwa jista’ biss jagħti opinjoni jew dak li jgħidulu. L-avukat difensur Veronique Dalli: “Meta tgħid li Buhagiar irriżenja fl-2012 … Huwa rtira u nżamm bħala konsulent?” bix-xhud iwieġeb fl-affermattiv.Wara xehed l-Ispettur Danilo Francalanza li qal li kien eżegwixxa l-mandat ta’ arrest kontra Buhagiar flimkien ma’ uffiċjal ieħor. It-tfittxija fir-residenza ta’ Buhagiar elevat żewġ iPhones u oġġetti oħra relatati mal-kumpaniji. L-Avukat Dalli staqsietu kemm damet it-tfittxija bit-tweġiba tkun madwar 30 minuta, u żied li l-akkużat ikkoopera mal-pulizija.
Kuntistabbli tal-pulizija qal li huwa kien involut fit-tfittxija u l-arrest ta’ Vince Buhagiar. Tenna li l-pulizija kienu elevaw dokumenti, laptop, żewġ mobiles u iPad. Dawn kienu ġew issiġillati f’boroż ta’ evidenza u mogħtija lill-ispettur. Rappreżentant tal-JobsPlus ippreżenta l-istorja tal-impjieg tal-akkużat. Dr Claudette Fenech mill-Malta Business Registry qalet fil-Qorti li Buhagiar ma kellu l-ebda involviment f’ebda kumpanija mill-2005. Id-depożizzjoni tagħha ġiet sospiża sakemm issir aktar riċerka dwar Allied u Progress Press.
Alfred Parnis li jirrappreżenta lill-MFSA qal li jagħmel parti mit-taqsima ta’ superviżjoni tal-assigurazzjoni u l-pensjonijiet. qal li Buhagiar mhu involut fl-ebda kumpanija bħalissa. Madankollu, huwa kien segretarju tal-kumpanija u aktar tard direttur ta ’Allied Insurance Agency Ltd. L-akkużat ħalla dak ir-rwol fl-2013. Il-kumpanija kienet waqfet topera fl-2002.
Wara xehed Joseph Debono mill-uffiċċju tat-taxxa. Huwa ġie mitlub iġib id-dikjarazzjonijiet tat-taxxa fuq id-dħul ta’ Buhagiar mill-2005 ‘il quddiem. Qal li fl-2019 u fl-2020, Buhagiar ma kellux il-ħtieġa jdaħħal dikjarazzjoni tat-taxxa iżda kien idaħħal dikjarazzjoni tat-taxxa minn xogħol part-time li kien jagħmel.
Wara xehed Mikiel Balzan mid-dipartiment tal-VAT fi ħdan il-Kummissjoni għat-Taxxi Interni. Huwa esebixxa dokumenti relatati mal-kumpaniji li kien involut fihom Buhagiar u n-numru tal-VAT personali tiegħu.
L-aħħar xhud kienet Josette Galdes, rappreżentanta tad-Dipartiment tat-Trasferimenti Kapitali (Monte di Pietà) u d-fejn qalet li sabet tliet kuntratti – tnejn fl-2009 u wieħed fl-2011. Wieħed huwa fejn Buhagiar qed ibiegħ maisonette fis-Swieqi għal €235,267, ieħor hu jixtri appartament u garaxx fis-Swieqi għal €286,500. It-tielet kuntratt huwa wieħed fejn Buhagiar qed jixtri ma’ terzi partijiet dak li jisejjaħ ‘lockup garage’ fl-istess blokka fis-Swieqi għal €20,000.
Il-maġistrat faħħret lill-prosekuzzjoni għal mod kif ħadmet fejn għandu x’jaqsam ma ġestjoni tal-ħin fejn sejħitilha “formidabbli”. L-Avukat Dalli jqajjem punt dwar il-pensjoni tal-akkużat u jippreżenta dokument fis-seduta.
Hija turi nota kif mitlub mid-digriet tal-qorti tal-5 ta ’April, fejn talab li l-akkużat jitħalla jirtira l-pensjoni tiegħu minn kont bankarju ffriżat. Il-qorti tgħid li tawtorizza lill-akkużat biex jirtira l-ammont tal-pensjoni tiegħu kull xahar. Digriet dwar il-kwistjoni se jingħata mill-kmamar. Il-prosekuzzjoni tgħid li m’għandha l-ebda oġġezzjoni għat-talba. Il-kumpilazzjoni tkompli fis-17 ta’ Mejju fid-9.00am.
