Illum tnediet kampanja elettorali oħra tal-iStudenti Demokristjani Maltin (SDM). L-SDM nediet tim ambizzjuż ta’ 12-il kandidat li bla dubju għandhom dak li hemm bżonn biex jipprovdu l-aħjar rappreżentanti fil-Kunsill Studenti Universitarji (KSU) għall-istudenti kollha.
Is-slogan magħżul biex imexxi l-kampanja ta’ din is-sena huwa ‘Flimkien għall-għażla li tixraqlek”, bil-kampanja tiffoka fuq kif il-kandidati magħżula huma ħerqana li jaħdmu flimkien mal-istudenti u jkunu l-vuċi li jistħoqqilhom.
